Laus störf Hæfnileit Vinnustaðir Námskeið

Samherji Fiskeldi

Nýr og glæsilegur Eldisgarður Samherja Fiskeldis er nú að rísa í Auðlindagarðinum á Reykjanesi. Verkefnið er að fullu fjármagnað og þar verður árlega framleiddur allt að 40.000 tonna hágæða lax, með nýjustu tækni sem völ er á í sjálfbæru fiskeldi. Um er að ræða framsækið og umhverfisvænt framtak sem mun skapa fjölda framtíðarstarfa á svæðinu – og nú er tækifærið þitt til að vera með frá byrjun. Verkefnið mun skapa einstök tækifæri til fullnýtingar orkustrauma m.a. frá jarðvarmavirkjunum á Reykjanesi. Markmið verkefnisins er að framleiða lax með lágt vistspor með hringrásarhagkerfið að leiðarljósi. Allt framleiðsluferlið verður á sama stað, frá innsetningu hrogna að fullunnum hágæðaafurðum. Samherji Fiskeldi hefur verið stórframleiðandi á laxi og bleikju í yfir 20 ár og rekur eingöngu landeldisstöðvar.

Vinnustaðurinn

Fjármálastjóri

Viltu taka þátt í einu metnaðarfyllsta framtíðarverkefni landsins?

Nýr og glæsilegur Eldisgarður Samherja Fiskeldis er nú að rísa í Auðlindagarðinum á Reykjanesi.

Verkefnið er fjármagnað og þar verða árlega, í þremur byggingar áföngum, framleidd allt að 40.000 tonna hágæða laxi, með nýjustu tækni sem völ er á í sjálfbæru fiskeldi. Um er að ræða framsækið og umhverfisvænt verkefni sem mun skapa fjölda framtíðarstarfa á svæðinu og miklar útflutningstekjur.

Samherji hefur komið að landeldi á laxi og bleikju í yfir 20 ár og stór hluti starfsfólks stöðvanna býr að enn lengri reynslu, þekkingu og faglegri sérhæfingu. Þróun og stýring landeldis á Íslandi er með því besta sem gerist í heiminum og framtíð greinarinnar er björt.
Við leitum að ábyrgðarfullum og skipulögðum fjármálastjóra til að taka þátt í uppbyggingunni sem er framundan.

Helstu verkefni og ábyrgð

Ábyrgð og umsjón með uppsetningu ársreiknings, mánaðarlegu uppgjöri og áætlanagerð.
Kostnaðar eftirlit og frávikagreining framkvæmdaáætlunar
Dagleg stjórnun og rekstur fjármálasviðsins.
Stefnumótun og ferlagerð á fjármálasviði
Áætlanagerð og eftirfylgni þeirra.
Greining, þróun og gerð stjórnendaupplýsinga.
Fjármögnun og áhættu- og lausafjárstýring.
Ýmis umbótaverkefni.
Aðstoð við samningagerð og önnur fjármálatengd verkefni.

Menntunar- og hæfniskröfur

Háskólamenntun sem nýtist í starfi, framhaldsmenntun er kostur.
Árangursrík reynsla af sambærilegum störfum.
Reynsla af kostnaðareftirliti með byggingarframkvæmdum
Mjög góð þekking á reikningshaldi, uppgjörum og áætlanagerð.
Reynsla af umbótaverkefnum og sjálfvirknivæðingu.
Góð færni í mannlegum samskiptum.
Frumkvæði, drifkraftur og lausnamiðuð hugsun.
Sjálfstæði í starfi og öguð vinnubrögð.
Mjög góð tölvukunnátta skilyrði sem og góð enskukunnátta. Kunnátta í einu norðurlandamáli kostur.

Hjá Samherja fiskeldi starfa 120 manns en félagið er ört vaxandi fyrirtæki sem rekur sex landeldisstöðvar fyrir bleikju og lax á öllum stigum eldis, víða um land, allt frá hrognaeldi til vinnslu og pökkunar á fullunninni vöru. Fyrirtækið hefur komið að landeldi á laxi og bleikju í yfir 25 ár og er jafnframt stærsti framleiðandi eldisbleikju í heiminum. Eldisstöðvar fyrirtækisins eru staðsettar á Reykjanesi, í Ölfusi og í Öxarfirði. Fyrirtækið starfar samkvæmt ströngustu kröfum og hefur að markmiði að stunda sjálfbært og umhverfisvænt fiskeldi, lágmarka kolefnisfótspor og starfa í sátt við samfélagið.

Lax og bleikja úr landeldi Samherja fiskeldis er eftirsótt hágæðavara um allan heim.
Fyrirtækið hefur nú hafið framkvæmdir við einstakt hringrásarverkefni í Auðlindagarðinum á Reykjanesi. Þar sem verið er að byggja Eldisgarð í nálægð við Reykjanesvirkjun. Við eldið verður notaður ylsjór sem annars rynni ónýttur til sjávar og við framleiðsluna verða jafnframt til verðmætar aukaafurðir sem nýtast munu öðrum fyrirtækjum í sinni starfsemi eins og mjöl og lífrænn úrgangur. Markmiðið er að Eldisgarðurinn verður ein hagkvæmasta og umhverfisvænasta laxeldisstöð í heimi.

Umsóknarfrestur um starfið er til og með 8. febúrar nk.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Umsjón með starfinu hafa Hilmar G. Hjaltason ([email protected]) og Unnur Ýr Konráðsdóttir ([email protected]).