Laus störf Hæfnileit Vinnustaðir Námskeið

Skóla- og velferðarþjónusta Árnesþings

Skóla- og velferðarþjónusta Árnesþings er fagleg og samþætt skóla- og velferðarþjónusta með farsæld barna og fjölskyldna að leiðarljósi. Meginstarfsstöð þjónustunnar er í Laugarási en starfssvæðið er víðfeðmt og geta starfsmenn valið starfsstöð á starfssvæðinu í samræmi við verkefni hverju sinni. Á starfssvæðinu eru um 4500 íbúar, þar af um 650 börn á leik- og grunnskólaaldri sem sækja nám í 6 leikskólum og 6 grunnskólum. Sveitarfélögin sem standa að Skóla- og velferðarþjónustunni eru Bláskógabyggð, Flóahreppur, Grímsnes- og Grafningshreppur, Hrunamannahreppur og Skeiða- og Gnúpverjahreppur og hafa þau flest hlotið viðurkenningu BSRB sem framúrskarandi vinnustaðir.

Vinnustaðurinn

Félagsráðgjafi í barnavernd/félagsþjónustu

Skóla-og velferðarþjónusta Árnesþings óskar eftir að ráða metnaðarfullan félagsráðgjafa í barnavernd/félagsþjónustu innan velferðarþjónustu í 80 – 100% stöðu. Unnið er í dagvinnu en æskilegt að viðkomandi geti tekið bakvaktir.

Félagsráðgjafi í barnavernd starfar að verkefnum sem krefjast sérfræðiþekkingar í vinnslu og meðferð barnaverndarmála. Starfið krefst víðtækrar þekkingar á sviði barnaverndar- og stjórnsýslulaga og úrræðum, bæði ríkis og sveitarfélaga. Auk barnaverndarmála getur verið um að ræða félagslega ráðgjöf við einstaklinga og málstjórn í farsæld barna.

Helstu verkefni og ábyrgð

Móttaka og skráning tilkynninga og könnun/úttekt á aðstæðum barna
Vinna með fjölskyldum; viðtöl, ráðgjöf og stuðningur við börn og fjölskyldur þeirra
Skipulagning úrræða og aðgerða í samvinnu við samstarfsaðila
Vinnsla við fóstur- og vistunarmál
Markvisst samstarf við aðrar stofnanir og samþætting verkefna
Mat á hæfni fóstur- og stuðningsforeldra
Handleiðsla fyrir fósturforeldra, persónulega ráðgjafa og annað starfsfólk sem ráðið er af sviðinu vegna starfa innan barnaverndar
Félagsleg ráðgjöf til einstaklinga
Málastjórn í stuðningsteymum vegna farsældar barna

Menntunar- og hæfniskröfur

Starfsréttindi í félagsráðgjöf, eða önnur sambærileg menntun sem nýtist í starfi í barnaverndarþjónustu
Þekking og reynsla af barnavernd/velferðarþjónustu er mikilvæg
Reynsla af starfi með börnum og fjölskyldum er kostur
Góð færni í mannlegum samskiptum, samstarfi og teymisvinnu
Frumkvæði, skipulagshæfni og sjálfstæði í starfi
Geta til að vinna undir álagi í krefjandi starfsumhverfi
Hæfni til að tjá sig í ræðu og riti
Góð almenn tungumála- og tölvukunnátta

Skóla-og velferðarþjónusta Árnesþings er staðsett í Laugarási í Bláskógabyggð. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Nánari upplýsingar um starfið veitir Anný Ingimarsdóttir, deildarstjóri velferðarþjónustu í síma 4801180 eða netfang: [email protected]. Umsóknarfrestur er til og með 5. desember 2024.

Auglýsing birt25. nóvember 2024

UmsóknarfresturEnginn

Tungumálahæfni