Laus störf Hæfnileit Vinnustaðir Námskeið

Slökkvilið Akraness og Hvalfjarðarsveitar

Samkvæmt lögum um brunavarnir nr. 75/2000 er Akraneskaupstað skylt að sjá um rekstur slökkviliðs. Búnaður slökkviliðsins skal taka mið af þeim áhættum sem fyrirfinnast í sveitarfélaginu hverju sinni. Markmið slökkviliðsins er eftirfarandi, að vernda líf og heilsu manna, eignir og umhverfi með því að tryggja fullnægjandi eldvarnaeftirlit og viðbúnað við eldsvoðum og mengunaróhöppum á landi. Eldvarnareftirlit er því mikilvægur þáttur í starfsemi slökkviliðsins, sem meðal annars felur í sér fræðslu til almennings, fyrirtækja og stofnanna í sveitarfélaginu. Slökkvilið Akraness og Hvalfjarðarsveitar er skipað 30 liðsmönnum. Starfssvæði slökkviliðsins nær frá minni Borgarfjarðarbrúar og að botni Hvalfjarðar. Slökkviliðið hefur aðsetur á Kalmansvöllum 2. Tveir starfmenn eru í fullu starfi hjá slökkviliði Akraness og Hvalfjarðarsveitar.

Vinnustaðurinn

Eldvarnareftirlitsmaður með áherslu á fræðslu og forvarnir

Slökkvilið Akraness og Hvalfjarðarsveitar óskar eftir að ráða metnaðarfullan og öflugan einstakling í fullt starf eldvarnareftirlitsmanns með áherslu á fræðslu- og forvarnarstarf.

Um er að ræða fjölbreytt og mikilvægt starf þar sem lögð er áhersla á að efla eldvarnir, auka öryggisvitund almennings og stuðla að fækkun slysa og bruna. Starfið snýst bæði um eftirlit, ráðgjöf og jákvæða forvörn og hentar einstaklingi sem hefur áhuga á öryggismálum, fræðslu og samskiptum við fjölbreytta hópa.

Helstu verkefni og ábyrgð

Framkvæmd eldvarnaeftirlits samkvæmt lögum og reglugerðum.
Ráðgjöf til fyrirtækja, stofnana og einstaklinga um eldvarnir og öryggismál.
Gerð skýrslna og eftirfylgni vegna athugasemda í eldvarnaeftirliti.
Undirbúningur og framkvæmd fræðslu um eldvarnir og brunavarnir fyrir skóla, fyrirtæki og almenning.
Skipulagning og framkvæmd forvarnarverkefna og kynninga.
Þátttaka í þróun og kynningu á forvarnarstarfi slökkviliðsins.
Samstarf við starfsfólk slökkviliðsins, sveitarfélög og aðra hagsmunaaðila.

Menntunar- og hæfniskröfur

Menntun eða reynsla sem nýtist í starfi, svo sem á sviði eldvarna, byggingarmála, öryggismála eða skyldra greina, er kostur.
Réttindi eða reynsla á sviði eldvarnaeftirlits er kostur.
Góð færni í mannlegum samskiptum og framkomu.
Hæfni til að halda fræðslu og koma upplýsingum skýrt á framfæri.
Hæfni til að vinna með fjölbreyttum hópum, þar á meðal börnum og ungmennum.
Sjálfstæð og skipulögð vinnubrögð.
Góð íslenskukunnátta í ræðu og riti.
Almenn tölvukunnátta.
Gild ökuréttindi.

Við leitum að einstaklingi sem

ber ríka ábyrgðartilfinningu og hefur áhuga á öryggismálum,
hefur frumkvæði og metnað til að þróa fræðslu- og forvarnarstarf,
á auðvelt með að vinna með fólki á öllum aldri,
getur unnið sjálfstætt sem og í teymi.

Við bjóðum

áhugavert og krefjandi starf í mikilvægu samfélagslegu hlutverki,
fjölbreytt verkefni og tækifæri til þróunar í starfi,
gott starfsumhverfi og öflugt samstarf innan slökkviliðsins,
laun samkvæmt gildandi kjarasamningum.

Nánari upplýsingar um starfið veitir Jens Heiðar Ragnarsson í síma 854 1277 eða með tölvupósti á netfangið [email protected].

Um tímabundið starf til eins árs er að ræða með möguleika á fastráðningu.

Umsóknum skal fylgja starfsferilsskrá ásamt kynningarbréfi þar sem gerð er grein fyrir áhuga á starfinu og hæfni til að sinna því.

Öll áhugasöm eru hvött til að sækja um.

Auglýsing birt5. júní 2026

Umsóknarfrestur22. júní 2026

Tungumálahæfni

Íslenska

Nauðsyn

Framúrskarandi

Staðsetning

Kalmannsvellir 2

Starfstegund

Starfsgreinar

Starfsmerkingar