Stekkjaskóli

Stekkjaskóli er nýr grunnskóli á Selfossi sem tók til starfa haustið 2021. Fyrsti áfangi nýbyggingar skólans var tekinn í notkun í mars 2023 og 2. áfangi var tekinn í notkun í janúar 2025. Næsta haust er gert ráð fyrir um 380 nemendum í 1.-8. bekk. Fullbyggður verður skólinn fyrir um 500 nemendur í 1.-10. bekk. Stekkjaskóli er hannaður og byggður sem teymiskennsluskóli, með vel skipulögðum árgangasvæðum, góðum list- og verkgreinastofum, glæsilegu bókasafni og náttúrufræðistofu með stórum gróðurskála. Byggingin þykir með glæsilegri skólabyggingum á landinu. Í Stekkjaskóla er lögð áhersla á teymiskennslu, teymisvinnu, tækni og nýsköpun, skapandi skólastarf, umhverfismál og jákvæðan skólabrag. Stefnumörkun skólans tekur meðal annars mið af menntastefnu Árborgar sem byggir á hugmyndinni um skólann sem lifandi lærdómssamfélag.

Vinnustaðurinn

Deildarstjóri eldri deildar

Stekkjaskóli á Selfossi óskar eftir deildarstjóra eldri deildar í 100% starfshlutfall. Ráðið verður í stöðuna frá og með 1. ágúst 2025. Leitað er að áhugasömum og metnaðarfullum einstaklingi sem er fær um að taka að sér stjórnunarlega ábyrgð, þátttöku í stjórnunarteymi og að vera faglegur leiðtogi. Deildarstjóri eldri deildar mun sinna deildarstjórn í 6.-8. árgangi næsta skólaár en þegar fram í sækir í 6. - 10. árgangi.

Haustið 2025 hefst kennsla í 8. bekk skólans. Deildarstjóri eldri deildar mun leiða vinnu við að byggja upp unglingastigið í samstarfi við kennara og aðra stjórnendur. Mikilvægt er að hafa brennandi áhuga á skólaþróun, í nýjum skóla sem er í uppbyggingu.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

· Tekur þátt í skipulagi innra starfs skólans með öðrum stjórnendum

· Framfylgir skólanámskrá, samræmingu námsefnis og námsmats í samráði við kennara

· Annast daglega stjórnun sinnar deildar og er faglegur ráðgjafi

· Undirbýr deildarfundi sinnar deildar, stjórnar þeim og heldur fundargerðir

· Ber ábyrgð á nemendateymum á sínu stigi

· Ber ábyrgð á að tryggja öryggi og velferð nemenda

· Er tengiliður í samþættri þjónustu í þágu farsældar barna

· Önnur verkefni sem yfirmaður felur

Menntunar- og hæfniskröfur

· Grunnskólakennararéttindi áskilin

· Framhaldsmenntun í stjórnun eða uppeldis- og kennslufræði mikilvæg

· Kennsla á unglingastigi og/eða reynsla í stjórnun áskilin

· Forystu- og stjórnunarhæfileikar

· Mikil hæfni í mannlegum samskiptum

· Frumkvæði og skipulögð vinnubrögð

· Áhugi á skólaþróun

· Hæfni til að tjá sig í ræðu og riti á íslensku

Umsóknarfrestur er til og með 14. maí 2025

Laun eru samkvæmt kjarasamningi Sambands íslenskra sveitarfélaga og KÍ v/SÍ. Deildarstjórinn verður með 100% stjórnunarumfang og raðast skv. kjarasamningi sem deildarstjóri 4.

Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Umsóknum fylgi leyfisbréf, yfirlit yfir nám, fyrri störf og rökstuðningur fyrir hæfni í starfi. Umsókn ásamt fylgigögnum skal skila í gegnum ráðningarvef sveitarfélagsins https://sveitarfelagid-arborg.alfred.is/ .

Allar umsóknir eru gildar í sex mánuði.

Nánari upplýsingar um störfin veitir Hilmar Björgvinsson, skólastjóri, [email protected] , sími 480-1600 / 863-0922 og Ástrós Rún Sigurðardóttir, aðstoðarskólastjóri, [email protected] , sími 480-1600. Sjá einnig heimasíðu skólans www.stekkjaskoli.is .

Auglýsing birt2. maí 2025

Umsóknarfrestur14. maí 2025

Tungumálahæfni