Aðstoðarmatráður í skólamötuneyti 75% starf - tímabundin ráðning

Skólamötuneytið á Egilsstöðum auglýsir eftir aðstoðarmatráð í 75-80% afleysingarstarf í dagvinnu. Unnið er alla virka daga frá kl. 8:30-14:00 (5,5 klst á dag). Starfið er laust nú þegar og verður ráðið að minnsta kosti út maí 2026 en mögulega lengur.

Skólamötuneytið á Egilsstöðum sér um hádegisverð fyrir fimm skóla á Héraði.

Næsti yfirmaður er forstöðukona skólamötuneytisins.

Helstu verkefni og ábyrgð

Starfar í mötuneytinu á Egilsstöðum, tekur á móti vörum og gengur frá þeim.
Undirbýr hádegismat m.a. skera niður ávexti, grænmeti og annað meðlæti í samráði við annað starfsfólk.
Aðstoðar við matseld og bakstur þegar þarf.
Sér um frágang, uppvask og þrif.
Annast daglega ræstingu eldhúss.

Menntunar- og hæfniskröfur

Áhugi á fæði og næringu leik- og grunnskólabarna.
Þekking og reynsla af störfum í eldhúsi eða mötuneyti kostur.
Krafa er um hæfni á þann búnað sem nauðsynlegur er vegna starfsins.
Góð hæfni í mannlegum samskiptum, hæfileiki til samvinnu, sveigjanleika og tillitssemi.
Frumkvæði í starfi, skipulagshæfileikar og sjálfstæð vinnubrögð.
Hreint sakavottorð

Launakjör eru samkvæmt kjarasamningum sveitarfélagsins og viðkomandi stéttarfélags. Tekið er mið af jafnréttisáætlun Múlaþings við allar ráðningar hjá sveitafélaginu. Öllum umsóknum skal fylgja yfirlit yfir nám og/eða fyrri störf og kynningarbréf.

Nánari upplýsingar veitir forstöðukona skólamötuneytis Ingiborg Kjerúlf á netfanginu [email protected].

Þeir sem ráðnir eru til starfa hjá félagsþjónustu, skólum og frístund þurfa að veita heimild til að leitað sé upplýsinga úr sakaskrá hjá Ríkissaksóknara. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt23. janúar 2026

Umsóknarfrestur2. febrúar 2026

Tungumálahæfni