Aðstoðarmaður á dýralæknastofu

Dýralæknaþjónusta Kópavogs (DÝRKÓ) óskar eftir að ráða áhugasaman og skipulagðan einstakling til að ganga til liðs við okkur sem aðstoðarmaður dýralæknis eða dýrahjúkrunarfræðingur. Ef þú hefur ástríðu fyrir dýrum og vilt taka þátt í að veita framúrskarandi þjónustu í nútímalegu og styðjandi starfsumhverfi, þá er þetta tækifærið fyrir þig!

Vegna mikilla umsvifa og spennandi framtíðaráforma mun starfsstöðin flytja í nýtt og stærra húsnæði í Kópavogi í haust. Þetta skapar einstakt tækifæri til að vaxa með okkur og taka þátt í að móta framtíðarþjónustu okkar. Við leggjum metnað okkar í að veita gæludýrum og eigendum þeirra bestu mögulegu þjónustu.

Um Dýralæknaþjónustu Kópavogs:

Dýralæknaþjónusta Kópavogs (DÝRKÓ) var stofnuð í janúar 2023 og hefur það að markmiði að veita persónulega, góða og faglega þjónustu í björtu og hlýlegu umhverfi. Við leggjum ríka áherslu á að skapa traust samband við viðskiptavini okkar og gefa hverjum einstaklingi og dýri þann tíma sem þörf er á. Hjá okkur eru öll gæludýr, stór og smá, velkomin.

Helstu verkefni og ábyrgð

Móttaka viðskiptavina: Taka á móti viðskiptavinum og gæludýrum þeirra með hlýlegu og faglegu viðmóti.
Hreinlæti og þrif: Tryggja hreint og snyrtilegt vinnuumhverfi í biðstofu, skoðunarstofum og öðrum svæðum.
Svörun: Svara símtölum og tölvupóstum og bóka tíma fyrir viðskiptavini.
Sala á varningi: Aðstoða viðskiptavini við kaup á varningi fyrir gæludýr, svo sem fóðri, bætiefnum og öðrum nauðsynjum.
Fylling á birgðum: Halda utan um birgðir og tryggja að varningur sé alltaf til staðar og vel skipulagður.
Aðstoð við dýralækna: Aðstoða dýralækna við skoðanir og meðhöndlun dýra, svo sem að halda dýrum rólegum, undirbúa tæki og annan búnað.