Urðarhóll

Heilsuleikskólinn Urðarhóll er sex deilda leikskóli og er staðsettur við Kópavogsbraut 19 og starfræktur í þremur húsum. Í heildina dvelja um 130 börn í skólanum. Hugmyndafræðin sem unnið er eftir í Heilsuleikskólanum Urðarhóli er samkvæmt Heilsustefnu Unnar Stefánsdóttur, lögum um leikskóla, Aðalnámsskrá leikskóla, Námskrá Kópavogs, Umhverfisstefnu leikskóla Kópavogs, Barnasáttmála sameinuðu þjóðanna, Heimsmarkmiðin og heiltæka skólastefna. Skólanámsskrá Heilsuleikskólans Urðarhóls byggir á því að hafa heilsu og vellíðan barnanna í fyrirrúmi. Markmið leikskólans er að auka gleði og vellíðan barnanna með áherslu á næringu, hreyfingu og sköpun.

Vinnustaðurinn

Aðstoðarleikskólastjóri óskast í Heilsuleikskólann Urðarhól

Heilsuleikskólinn Urðarhóll tók til starfa í nóvember árið 2000 og er sex deilda skóli þar sem 130 börn á aldrinum 2 - 6 ára nema. Skólinn er staðsettur á Kópavogsbraut 19.

Urðarhóll vinnur eftir Heilsustefnu Unnar Stefánsdóttur og einkunnarorð okkar eru heilbrigði, sköpunargleði og vinátta. Lögð er áhersla á góð samskipti, sjálfstæði einstaklingsins og sjálfssprottna leikinn.

Við leitum að öflugum og metnaðarfullum aðstoðarskólastjóra til að ganga til liðs við okkar góða hóp. Aðstoðarleikskólastjóri er staðgengill leikskólastjóra, er leiðandi aðili í skipulagi faglegs starfs innan leikskólans og tekur virkan þátt í daglegri stjórnun ásamt virku samstarfi við foreldra. Aðstoðarleikskólastjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og skólastefnu Kópavogsbæjar.

Einkunnarorð leikskólans eru næring - hreyfing - listsköpun og endurspeglast þau í öllu okkar starfi. Nánari upplýsingar um leikskólann er hægt að finna á https://urdarholl.kopavogur.is/

Helstu verkefni og ábyrgð

Vinnur ásamt leikskólastjóra að daglegri stjórnun leikskólans og skipulagningu skólastarfsins
Ber ásamt leikskólastjóra ábyrgð á að unnið sé eftir aðalnámskrá leikskóla og skólanámskrá leikskólans, að áætlanir þar um séu gerðar og reglulegt mat fari fram
Er staðgengill leikskólastjóra í fjarveru hans
Faglegur leiðtogi og mentor fyrir aðra starfsmenn
Tekur þátt í skipulagsvinnu og mótun skólastarfsins
Tekur þátt í foreldrasamstarfi, upplýsingagjöf og kynningu á skólanum
Tekur þátt í ráðningum starfsfólks
Tekur þátt í launavinnslu, skýrslu- og áætlanagerð
Tekur þátt í innkaupum og rekstri skólans
Sinnir að öðru leyti þeim verkefnum er varðar stjórnun leikskólans sem yfirmaður felur honum

Menntunar- og hæfniskröfur

Leikskólakennaramenntun og leyfisbréf kennara
Framhaldsmenntun í stjórnun eða sambærileg menntun sem nýtist í starfi æskileg
Reynsla af starfi og stjórnun leikskóla
Fagleg forysta, sýn og vilji til nýbreytni og þróunar í leikskólastarfi
Sjálfstæð vinnubrögð, lausnamiðuð nálgun og metnaður til að ná árangri í starfi
Frumkvæði, forystuhæfileikar og góð færni í mannlegum samskiptum
Góð tölvukunnátta
Góð íslenskukunnátta

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Styttri vinnuvika - stytting að hluta til notuð í páskafrí, tvö vetrarfrí og jólafrí.

Frítt fæði.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Þeir sem ráðnir eru til starfa í leikskólum Kópavogs þurfa að undirrita heimild til að afla upplýsinga úr sakaskrá og skrifa undir trúnaðaryfirlýsingu.

Umsóknarfrestur er til og með 29. október 2025.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Nánari upplýsingar veitir Rebekka Gylfadóttir leikskólastjóri í [email protected] og í síma 4415000.

Tekið er á móti umsóknum í gegnum ráðningarvef Alfreðs.

Auglýsing birt15. október 2025

Umsóknarfrestur29. október 2025

Tungumálahæfni