Verkefnastjóri FORNOR á Norðurlandi vestra

Vilt þú taka þátt í festa forvarnaráætlun FORNOR í sessi?

Forvarnaráætlun FORNOR er verkefni á Norðurlandi vestra sem miðar að því að efla heilsu og vellíðan um 2000 barna og ungmenna á öllum skólastigum, frá leikskóla upp í framhaldsskóla.

Sveitarfélagið Skagaströnd leitar að öflugum verkefnastjóra til að leiða forvarnaráætlun sem sveitarfélögin á Norðurlandi vestra hafa sett sér sameiginlega. Markmið verkefnisins eru fjölþætt og felst m.a. í því að koma á tengingu milli forvarnateyma þessara fjögurra sveitarfélaga og skipuleggja fræðslu á svæðinu.

Um er að ræða tímabundna ráðningu til eins árs sem byggir á styrktarsamningi við og mennta- og barnamálaráðuneytið.

Nánar um FORNOR áætlunina

Helstu verkefni og ábyrgð

Að sameina og virkja samstarf milli sveitarfélaganna og þeirra einstaklinga og stofnana sem hafa aðkomu að forvörnum ungmenna á Norðurlandi vestra
Mótun aðgerða, verkferla, tíma- og verkáætlana til að tryggja farsælasta innleiðingu FORNOR
Skipuleggja forvarnarfræðslu í samræmi við markmið verkefnisins fyrir ungmenni á svæðinu í samvinnu við forvarnarteymin
Ná yfirsýn yfir núverandi þjónustu við ungmenni í hverju sveitarfélagi með kortlagningu og mati um árangur hennar
Vinna með niðurstöður kannana og skimana til að leggja mat á árangur áætlunarinnar
Leiða reglulegt endurmat á forvarnaráætluninni í þeim tilgangi að tilætlaður árangur náist
Uppfæra forvarnar- og fræðsluáætlun til 2030
Umsjón með verkefnisskilum og skil á lokaskýrslu vegna verkefnisins í samræmi við samning
Annað sem fellur að tilgangi verkefnisins

Menntunar- og hæfniskröfur

Háskólamenntun sem nýtist í starfi s.s. á sviði félags-, mennta- eða heilbrigðismála
Farsæl reynsla af verkefnastjórnun og teymisvinnu
Farsæl reynsla af vinnu við og þekking á forvörnum ungmenna
Reynsla innan stjórnsýslu sveitarfélaga eða ríkis er kostur
Frumkvæði og lausnamiðuð nálgun
Skipulagshæfni og sjálfstæð vinnubrögð
Framúrskarandi hæfni í mannlegum samskiptum
Framúrskarandi hæfni í íslensku og ensku, töluðu og rituðu máli
Góð almenn tölvufærni

Nánari upplýsingar veitir Berglind Hlín Baldursdóttir deildarstjóri stoðþjónustu hjá Höfðaskóla, [email protected].

Umsækjendur sendi kynningarbréf og ferilsskrá í gegnum ráðningarvefinn alfred.is.
Umsóknarfrestur er til og með 8. janúar 2026.

Sveitarfélagið Skagaströnd hvetur öll áhugasöm til að sækja um starfið.

Advertisement published15. December 2025

Application deadline8. January 2026

Language skills