VERKEFNASTJÓRI FJÁRMÁLA

CAFF og PAME, skrifstofur Norðurskautsráðsins óska eftir að ráða öflugan aðila í starf verkefnastjóra fjármála. Megintilgangur Norðurskautsráðsins (e. Arctic Council) er að stuðla að samvinnu, samhæfingu og samskiptum á milli ríkja norðurskautssvæðisins í málefnum sem varða sjálfbæra þróun og umhverfisvernd á svæðinu.

Starfið er í þróun og er hér því spennandi tækifæri til að taka þátt í að móta það á vettvangi fjölbreytts og alþjóðlegs samstarfs. CAFF og PAME skrifstofurnar eru staðsettar á Borgum, Akureyri og starfa þar 6 manns.

Um 100% starf er að ræða.

Helstu verkefni og ábyrgð

Fjárhagsleg umsýsla og áætlanagerð, í samstarfi við framkvæmdastjóra
Vinnsla og skil upplýsinga til bókhaldsskrifstofu
Upplýsingagjöf og samskipti við hagaðila varðandi fjárhagslega þætti verkefna
Þátttaka í umbótum og þróun verkefna og starfsemi
Þátttaka í alþjóðlegu samstarfi verkefna CAFF og PAME
Aðkoma að umsóknum um styrki, utanumhald og uppgjör verkefna
Pantanir og umsýsla vegna ferðalaga starfsfólks erlendis og innanlands
Ýmis önnur verkefni í samráði við stjórnendur og samstarfsfólk

Menntunar- og hæfniskröfur

Háskólapróf sem nýtist í starfi
Haldbær reynsla sem nýtist í starfi
Reynsla eða þekking á fjármálum og/eða bókhaldi kostur
Greiningarhæfni og geta til að miðla upplýsingum á skýran hátt
Mjög rík hæfni til samstarfs og samskipta
Umbótahugsun og vilji til þróunar og breytinga
Frumkvæði og metnaður til að ná árangri í starfi
Nákvæmni og skipulagsfærni
Mjög góð tölvufærni og tæknilæsi
Mjög góð færni í íslensku og ensku

Sótt er um starfið á www.mognum.is

Nánari upplýsingar veitir Sigríður Ólafsdóttir I [email protected]

Umsóknarfrestur er til og með 4. maí 2025

Með umsókn skal fylgja ítarleg ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Um vinnustaðinn:

CAFF og PAME skrifstofurnar hafa það markmið að stuðla að verndum lífríkis og sjálfbærrar nýtingar auðlinda á norðurslóðum. Verkefni þeirra eru fjölbreytt, starf CAFF snýr meðal annars að vöktun lífríkis og verndunar líffræðilegs fjölbreytileika og PAME markar stefnu í verndun og sjálfbærri nýtingu á hafsvæðum norðurslóða og vinnur m.a. að margvíslegum verkefnum tengdum siglingum á svæðinu. Báðar skrifstofurnar starfrækja fjölda sérfræðihópa þar sem þátttakendur eru sérfræðingar og stofnanir frá aðildarríkjunum, auk fulltrúa frumbyggja og áheyrnaraðila ráðsins. Nánari upplýsingar um starfsemina má finna á www.caff.is og www.pame.is

Advertisement published15. April 2025

Application deadline4. May 2025

Language skills