Rekstrarstjóri handknattleiksdeildar Stjörnunnar

Við leitum að rekstrarstjóra handknattleiksdeildar Stjörnunnar

Rekstrarstjóri hefur yfirumsjón með öllu starfi handknattleiksdeildar í samráði við stjórn handknattleiksdeildar, framkvæmdastjóra Stjörnunnar og aðra starfsmenn skrifstofu. Í yngri flokkum deildarinnar eru um 500 iðkendur og 40 metnaðarfullir þjálfarar. Félagið stendur fyrir metnaðarfullu afreksstarfi með meistaraflokka í efstu deild bæði kvenna og karla ásamt því að halda úti U-liði.

Leitað er að kraftmiklum einstaklingi sem hefur brennandi áhuga á því að vinna með Stjörnunni og aðstoða við uppbyggingu í yngri flokkum deildarinnar og stefna hærra með afreksstarf félagsins. Um er að ræða 100% starf.