Mannauðs- og þjónustusvið

Múlaþing er sveitarfélag á Austurlandi með um 5.300 íbúum. Undir Múlaþing heyra Fljótsdalshérað, Djúpivogur, Borgarfjörður eystri og Seyðisfjarðarkaupstaður. Mannauðs- og þjónustusvið sér um þjónustuver, skjalamál, upplýsinga- og tæknimál, laun og mannauðsmál.

About

Þjónustufulltrúi á skrifstofu á Seyðisfirði

Laust er til umsóknar 75% starf þjónustufulltrúa á skrifstofu Múlaþings á Seyðisfirði. Ráðið er í stöðuna frá 1. janúar nk. og er um framtíðarstarf að ræða. Starfsstöð er á skrifstofu sveitarfélagsins við Fjarðargötu 8 á Seyðisfirði og því æskilegt að viðkomandi sé búsettur á Seyðisfirði.

Næsti yfirmaður er sviðsstjóri mannauðs og þjónustu.

Helstu verkefni og ábyrgð

Tekur á móti þeim sem eiga erindi við sveitarfélagið á skrifstofu þess á Seyðisfirði og veitir upplýsingar eða leiðbeinir um þjónustuleiðir og kemur erindum í réttan farveg.
Setur fréttir og annan texta, skjöl og myndir á heimasíðu sveitarfélagsins og aðra stafræna miðla stjórnsýslunnar.
Kemur að vinnu við stafræna miðla í samráði við sérfræðing stafrænna lausna.
Vinnur náið með verkefnastjóra upplýsinga- og kynningarmála varðandi upplýsingagjöf útávið og ímynd sveitarfélagsins í gegnum stafræna miðla.
Starfsmaður veitir starfsfólki endurgjöf vegna framsetningar efnis/upplýsinga sem eru að birtast á heimasíðu sveitarfélagsins.
Sinnir símavörslu í þjónustuveri sveitarfélagsins og afgreiðir erindi í samráði við annað starfsfólk.
Veitir íbúum, og öðrum sem til skrifstofunnar leita, faglega og góða þjónustu.

Menntunar- og hæfniskröfur

Stúdentspróf eða sambærileg menntun sem nýtist í starfi
Reynsla af störfum hjá stjórnsýslu sveitarfélags kostur
Þekking á almennum tölvuforritum og leikni í upplýsingatækni
Samskipta- og skipulagshæfni, frumkvæði, sjálfstæði og metnaður
Mjög góð íslenskukunnátta og færni í textagerð ásamt góðri enskukunnáttu
Góð þjónustulund og öguð og nákvæm vinnubrögð

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Öllum umsóknum skal fylgja yfirlit yfir nám og fyrri störf, afrit af prófskírteini/námi ásamt kynningarbréfi. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Sigrún Hólm Þórleifsdóttir, sviðsstjóri mannauðs og þjónustu, í síma 4700700 eða á netfanginu [email protected]

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published14. October 2026

Application deadline28. October 2026

Language skills