Tæknistarf á tölvuverkstæði Ofar
Ofar leitar að öflugum einstakling með brennandi áhuga á tækni og þjónustu á verkstæði fyrirtækisins á Köllunarklettsvegi 8.
Ef þú þrífst best þar sem mikið er um að vera og vilt vinna á líflegum vinnustað, þá er þetta starfið fyrir þig.
Helstu verkefni og ábyrgð:
- Viðgerðir og íhlutaskipti: Greining og viðgerðir á PC fartölvum, borðtölvum og tengdum búnaði.
- Villuleit og bilanagreining: Greining og lausnir á vélbúnaðar- eða hugbúnaðarvillum.
- Hugbúnaðarvinna: Uppsetning og fínstilling á Windows stýrikerfum, reklum og algengum hugbúnaði.
- Fjölbreytt þjónusta: Vinna á verkstæði og í gegnum fjarþjónustu, vitjanir til viðskiptavina þegar þörf krefur.
- Ráðgjöf og samskipti: Upplýsingagjöf til viðskiptavina vegna bilanagreininga og viðeigandi ráðgjöf veitt.
Menntunar- og hæfniskröfur
- Þekking á vélbúnaði: Reynsla af því að meðhöndla íhluti og setja saman tölvur.
- Windows þekking: Góð þekking á Windows umhverfinu og helstu tæknilausnum.
- Menntun/Vottanir: Stúdentspróf, iðnnám eða tæknilegar vottanir (t.d. CompTIA A+) eru mikill kostur.
- Sjálfstæði: Hæfni til að leita lausna á eigin spýtur þegar flókin mál koma upp.
- Þjónustulund: Geta til að útskýra tæknileg atriði á mannamáli af yfirvegun og jákvæðni.
Hlutverk Ofar er að styðja við fyrirtæki, stofnanir og endursöluaðila með tölvu- og tæknibúnaði frá yfir 150 heimsþekktum vörumerkjum á borð við Lenovo, Canon, Bose og Sony. Fyrirtækið býður einnig upp á framúrskarandi úrval og þjónustu í hljóð- og myndlausnum, prentlausnum, ásamt tæknilausnum fyrir vöruhús, verslanir, veitingastaði og fleira.
Fylgdu okkur á samfélagsmiðlum til að læra meira um vinnustaðinn.
Umsóknarfrestur er til og með 15. febrúar nk.
Allar umsóknir og fyrirspurnir verða meðhöndlaðar sem trúnaðarmál og þeim svarað.
