Sviðsstjóri og Verkefnastjóri hjá Faxaflóahöfnum sf.

Faxaflóahafnir sf. leita að metnaðarfullum einstaklingum í störf Sviðsstjóra Eigna- og þróunarsviðs og einnig Verkefnastjóra á Framkvæmdasviði.

Starf Sviðsstjóra Eigna- og þróunarsviðs snýr meðal annars að þróun lóða og fasteigna. Að leiða uppbyggingu sviðsins og ábyrgð á daglegum rekstri. Stefnumörkun og innleiðing á stefnumarkandi áherslum fyrir sviðið. Áætlanagerð og rekstri verkefna. Yfirumsjón með gerð og rekstri leigusamninga um lóðir og fasteignir. Og auk þess önnur tilfallandi verkefni á viðskiptasviði.

Sviðsstjóri situr í framkvæmdastjórn félagsins.

Verkefnastjóra á Framkvæmdasviði snýr meðal annars að því að annast umsjón og verkefnastýringu verkefna á öllum stigum framkvæmda. Sjá um samskipti við ytri og innri aðila hafnarinnar í ýmsum verkefnum sem við koma mannvirkjum, landi, lóðum og götum. Umsjón og eftirlit framkvæmda á hafnarsvæðum. Auk þess ýmis önnur tilfallandi störf.

Hæfniskröfur :

Starf Sviðsstjóra Eigna- og þróunarsviðs ; Háskólamenntun sem nýtist í starfi t.a.m. lögfræði, verkfræði eða viðskiptafræði. Leiðtogahæfni og reynsla af innleiðingu stefnumiðaðrar vinnu. Reynsla af teymisvinnu og verkefnastjórnun. Reynsla af samningagerð. Framúrskarandi hæfni í mannlegum samskiptum við fólk og fyrirtæki. Góð almenn tölvukunnátta sem nýtist í starfinu. Frumkvæði og sjálfstæði í starfi.

Verkefnastjóri Framkvæmdasviði ; Menntun sem verkfræðingur, tæknifræðingur, byggingafræðingur eða önnur menntun sem nýtist í starfinu. Reynsla af teymisvinnu og verkefnastjórn. Reynsla af verklegum framkvæmdum og mannvirkjagerð er kostur. Hæfni í mannlegum samskiptum við fólk og fyrirtæki. Góð almenn tölvukunnátta sem nýtist í starfinu. Frumkvæði og sjálfstæði í starfi.

Faxaflóahafnir er stærsta höfn landsins þar sem starfa um 80 manns á starfsstöðvum fyrirtækisins. í Reykjavík, á Akranesi, Grundartanga og í Borgarnesi. Við viljum vera leiðandi í umhverfis- og öryggismálum en leggjum einnig áherslu á þróun snjallra lausna og grænar hafnir. Öll kyn eru hvött til að sækja um en fyrirtækið hefur skýr jafnréttismarkmið og vill auka fjölbreytileika í starfsliði sínu.

Starfsmennirnir munu hafa aðstöðu á skrifstofu Faxaflóahafna að Tryggvagötu 17 í Reykjavík.

Sjá nánar hér : Sviðsstjóri og Verkefnastjóri hjá Faxaflóahöfnum

Umsókn ásamt ferliskrá sendist til Faxaflóahafna sf., á netfangið

[email protected], eigi síðar en sunnudaginn 4 janúar nk.

Nánari upplýsingar um starf Sviðsstjóra Eigna- og þrúnarsviðs gefur Gunnar Tryggvason hafnarstjóri, [email protected]

Nánari upplýsingar um starf Verkefnastjóra á Framkvæmdasviði gefur Inga Rut Hjaltadóttir sviðsstjóri Framkvæmdasviðs, [email protected]