Lífeyrissjóður verzlunarmanna

LV er leiðandi lífeyrissjóður sem byggir upp trausta fjárhagslega framtíð sjóðfélaga. Fjármunir sjóðfélaga eru ávaxtaðir með gagnsæjum og ábyrgum hætti með samfélagslega ábyrgð að leiðarljósi. Hjá sjóðnum starfar 56 manna samhent liðsheild þar sem hver og einn nær að nýta hæfileika sína og þekkingu til að sinna krefjandi verkefnum. Áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi. LV býður upp á góða starfsaðstöðu og starfsumhverfi þar sem áhersla er meðal annars lögð á jafnrétti og jafnvægi milli vinnu og einkalífs. LV hefur hlotið jafnlaunavottun.

About

Sjóðstjóri

LV leitar að öflugum og reyndum sjóðstjóra í eignastýringu sjóðsins. Viðkomandi verður hluti af þriggja manna teymi sem hefur umsjón með innlendum skráðum hluta- og skuldabréfum. Sjóðstjórinn mun jafnframt hafa umsjón með erlendum skráðum hlutabréfum sjóðsins sem eru að stærstum hluta í sérgreindum söfnum. Sá hluti starfsins snýr einkum að eftirliti, greiningu á samsetningu, áhættu og árangri eignasafna auk samskipta við erlenda eignastýrendur.

Um er að ræða krefjandi starf fyrir einstakling með víðtæka reynslu af fjármálamörkuðum, sterka greiningarhæfni og áhuga á að taka virkan þátt í faglegri teymisvinnu við stýringu og greiningu skráðra verðbréfa.

Helstu verkefni og ábyrgð

Virk þátttaka í fjárfestingarákvörðunum vegna innlendra skráðra hluta- og skuldabréfa, ásamt sjóðstjórum eignaflokkanna
Sjóðstjóri erlendra skráðra hlutabréfa, einkum eftirlit með sérgreindum söfnum
Greining á innlendum fjármálamarkaði, atvinnugreinum, útgefendum og markaðsaðstæðum
Mat á fjárfestingarkostum, áhættu og væntri ávöxtun skráðra verðbréfa
Þátttaka í mótun fjárfestingaráherslna og undirbúningi fjárfestingarákvarðana
Samskipti við innlenda og erlenda eignastýrendur, miðlanir og aðra markaðsaðila
Greining og vöktun á ávöxtun, áhættu og samsetningu eignasafna
Þátttaka í innleiðingu sjálfbærnistefnu sjóðsins í skráðum verðbréfum, þ.m.t. stuðningur við reglubundna upplýsingagjöf

Menntunar- og hæfniskröfur

Að lágmarki 10 ára reynsla af fjármálamörkuðum er æskileg, s.s. eignastýringu eða sambærilegum störfum
Góð samskiptahæfni og fagleg framkoma
Háskólamenntun sem nýtist í starfi, til dæmis á sviði fjármála, hagfræði, verkfræði eða viðskiptafræði
Verðbréfaréttindi eru skilyrði og CFA réttindi eru kostur
Víðtæk reynsla af greiningu og/eða stýringu skráðra verðbréfa
Framúrskarandi greiningarhæfni og geta til að setja flókin gögn í skýrt samhengi
Sjálfstæði, frumkvæði og öguð vinnubrögð
Rík hæfni til að vinna í faglegu og krefjandi teymi
Góð þekking á innlendum fjármálamarkaði
Reynsla af samskiptum við erlenda eignastýrendur og þekking á alþjóðlegum hlutabréfamörkuðum er kostur
Gott vald á íslensku og ensku í ræðu og riti

LV er leiðandi lífeyrissjóður sem vinnur í þágu 189 þúsund sjóðfélaga. Eignasafns sjóðsins nemur rúmlega 1.500 mö.kr. og skiptist til helminga í innlendar og erlendar eignir.

Hjá sjóðnum starfar 66 manna samhent liðsheild þar sem áhersla er lögð á fagleg vinnubrögð, þverfaglegt samstarf, góð samskipti, frumkvæði og hæfni til að laga sig að síbreytilegu umhverfi.

LV býður upp á góða starfsaðstöðu og heilbrigt og öruggt starfsumhverfi þar sem áhersla er meðal annars á jafnræði í stjórnunarstörfum, tækifæri til starfsþróunar og jafnvægi milli vinnu og einkalífs. LV er jafnlaunavottaður vinnustaður, hefur sett sér stefnu um sjálfbærni í rekstri sjóðsins og vinnur markvisst að því að skapa umhverfi þar sem allir fá tækifæri til að blómstra.

Advertisement published26. May 2026

Application deadline8. June 2026

Language skills