Samherji fiskeldi ehf.

Samherjji fiskeldi kemur að öllum stigum eldis og vinnslu, all frá hrognum til neytenda. Samherji fiskeldi ehf. rekur eina klakfiskastöð að Sigtúnum í Öxarfirði, eina klakstöð fyrir hrogn að Núpum í Ölfusi, þrjár seiðastöðvar og tvær áframeldisstöðvar fyrir bleikju, aðra á Stað við Grindavík og hina að Vatnsleysuströnd. Einnig rekur fyrirtækið eina strandeldistöð fyrir lax að Núpsmýri í Öxarfirði og tæknivædda vinnslu í Sandgerði. Allt eru þetta landeldisstöðvar sem nýta jarðvarma og notast við borholuvatn, ýmist ferskt eða ísalt, við framleiðslu á hágæða eldisfiski.

About

Sérfræðingur í upplýsingatækni – Samherji Fiskeldi

Samherji Fiskeldi leitar að drífandi og lausnamiðuðum einstaklingi til að ganga til liðs við upplýsingatæknisvið fyrirtækisins. Fram undan eru spennandi tímar. Fyrirtækið er að byggja nýjan Eldisgarð á Reykjanesi og rekur auk þess landeldisstöðvar og fiskvinnslur víða. Því fylgja fjölmargar innleiðingar á nýjum kerfum og tæknilausnum, ásamt þjónustu og rekstri á fjölbreyttu kerfisumhverfi.

Starfið hentar vel þeim sem hafa áhuga á tækni, vilja læra og þróast í starfi og hafa gaman af fjölbreyttum verkefnum. Við leitum ekki endilega að einstaklingi með margra ára reynslu. Áhugi, jákvætt viðhorf og vilji til að takast á við nýjar áskoranir skipta mestu máli.

Helstu verkefni og ábyrgð

Innkaup, uppsetning og umsjón með tölvubúnaði og öðrum tæknibúnaði fyrir starfsfólk
Notendaþjónusta og almenn tölvuaðstoð við starfsfólk á öllum starfsstöðvum
Þjónusta og rekstur á kerfum fyrirtækisins
Þátttaka í innleiðingu nýrra kerfa í tengslum við uppbyggingu Eldisgarðs á Reykjanesi
Þátttaka í innleiðingu gervigreindarlausna og uppbyggingu upplýsingatækniinnviða
Önnur tilfallandi verkefni á sviði upplýsingatækni

Menntunar- og hæfniskröfur

Menntun sem nýtist í starfi, til dæmis kerfisstjórnun, tölvunarfræði eða sambærilegt nám
Þekking á Microsoft IT umhverfi (Windows, Microsoft 365, Entra ID)
Þekking á Microsoft Intune er kostur
Reynsla af notendaþjónustu eða IT störfum er kostur, en nýútskrifaðir eru einnig hvattir til að sækja um
Sjálfstæð og skipulögð vinnubrögð
Góð samskiptahæfni og þjónustulund
Sveigjanleiki og vilji til að takast á við mjög fjölbreytt verkefni
Góð íslensku- og enskukunnátta
Bílpróf

Fríðindi í starfi