Húsnæðis- og mannvirkjastofnun (HMS)

Um vinnustaðinn Húsnæðis-og mannvirkjastofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkjamála og stuðlar að fyrirsjáanleika, skilvirkni og gæðum mannvirkjagerðar. Húsnæðis-og mannvirkjastofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 160 talsins.

About

Sérfræðingur í byggingarkostnaði

Húsnæðis- og mannvirkjastofnun (HMS) leitar að metnaðarfullum einstaklingi með tæknilega þekkingu á byggingu húseigna í teymi brunabótamats á starfsstöð HMS á Akureyri.

Samkvæmt lögum um brunatryggingar á að brunatryggja öll hús og er tryggingaupphæðin byggð á brunabótamati hússins. Matið á að endurspegla hvað það kostar að endurbyggja tiltekið hús eftir altjón þannig að það verði sambærilegt því sem það var áður með tilliti til aldurs og ástands.

Um er að ræða fjölbreytt og spennandi starf við útreikning byggingarkostnaðar og þróun á aðferðafræði brunabótamats. Mikil framþróun á sér stað í teyminu og krefjandi og skemmtileg verkefni framundan.

Starfið er staðsett á starfstöð HMS á Akureyri.

Helstu verkefni og ábyrgð

Þróun aðferðarfræði við útreikning brunabótamats
Framkvæmd kostnaðar- og brunabótamats
Gagnasöfnun og skoðun eigna
Greining og miðlun upplýsinga um byggingarkostnað og þróun brunabótamats
Þjónusta við einstaklinga, fyrirtæki og sveitarfélög
Önnur verkefni í samráði við teymisstjóra

Menntunar- og hæfniskröfur

Háskólamenntun á sviði verkfræði, tæknifræði eða byggingafræði
Reynsla af mannvirkjagerð og /eða hönnun mannvirkja er kostur
Þekking og reynsla af tölfræðilegri greiningu er kostur
Reynsla af verkefnastjórnun er kostur
Góð almenn tölvukunnátta
Frumkvæði, skipulagshæfileikar og sjálfstæð vinnubrögð
Lipurð í teymisvinnu, góðir samskiptahæfileikar og lausnamiðuð hugsun
Góð íslensku og enskukunnátta

Húsnæðis- og mannvirkjastofnun (HMS) er sjálfstæð stofnun sem lýtur sérstakri stjórn og heyrir stjórnarfarslega undir félags- og húsnæðismálaráðherrainnviðaráðherra. Stofnunin starfar að verkefnum á sviði húsnæðismála, mannvirkjamála, rafmagnsöryggismála og brunavarna, fer með samhæfingarhlutverk opinberrar markaðsgæslu, og rekur fasteignaskrá ásamt því að sinna verkefnum því tengdu. Hjá HMS er lögð áhersla á framúrskarandi þjónustu, nýsköpun, miðlun upplýsinga og stafræna þróun.

Umsóknum skal fylgja með ítarleg ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknir geta í gilt hálft ár frá því að frestur rennur út.

Lögð er rík áhersla á fjölbreytni og við hvetjum alla áhugasama einstaklinga til að sækja um, óháð kyni og uppruna.

Nánari upplýsingar

Hrafn Svavarsson, Teymisstjóri, [email protected]

Soffía Guðmundsdóttir, Mannauðsstjóri, [email protected]

Elín Dögg Ómarsdóttir, ráðgjafi hjá Hagvangi, [email protected]

Advertisement published9. April 2025

Application deadline12. May 2025

Language skills