Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

About

Sérfræðingur í áhættustýringu og kostnaðargreiningum

Skrifstofa fjármála á umhverfis- og skipulagssviði óskar eftir að ráða öflugan einstakling í starf sérfræðings við áhættustýringu og kostnaðargreiningu. Skrifstofan fer með leiðandi hlutverk í gerð og innleiðingu verkferla er varða fjármál og eftirfylgni þeirra. Styður við fjármál, innkaup og áhættustýring sviðsins svo unnt sé að skapa öruggt og traust fjárhagslegt starfsumhverfi. Veitir stjórnendum og starfsfólki upplýsingar, ráðgjöf og aðstoð varðandi fjármál og innkaup svo sem áætlanagerð, fjárhagsbókhald, verkbókhald, innheimtu, uppgjör, innkaup, samningsstjórnun, áhættustýringu og sinna innra eftirlit eins og við á. Um nýtt starf er að ræða, næsti yfirmaður er deildarstjóri innkaupa og samningsstjórnunar.

Helstu verkefni og ábyrgð

Hafa virkt eftirlit með áhættum í rekstri sviðsins.
Sinna kostnaðargreiningu m.t.t. samningsbundinna verkefna og útboðsáætlana.
Utanumhald áhættustýringar á sviðinu, þ.m.t. frávikaskráningu og gerð rótargreininga.
Fylgjast með kostnaði og áhættu vegna útboðsskyldra samninga.
Byggja upp miðlægan gagnagrunn og tryggja að kostnaðaráætlanir séu uppfærðar og rekjanlegar.
Gerð verkferla og innleiða verklag sem styður við framkvæmd innan sviðsins.
Veita ráðgjöf og hafa virkt eftirlit í samræmi við reglur borgarinnar.
Önnur verkefni tengd fjármálum og daglegum rekstri skrifstofunnar.

Menntunar- og hæfniskröfur

Háskólamenntun sem nýtist í starfi á s.s. í viðskiptafræði, hagfræði, verk- eða tæknifræði.
Framhaldsmenntun æskileg.
Þekking og reynsla á sviði kostnaðareininga og áhættustýringar.
Reynsla af opinberum innkaupum kostur.
Framúrskarandi samskipta og samstarfshæfni, drifkraftur, frumkvæði og metnaður.
Sjálfstæð og öguð vinnubrögð, framsýni og lausnarmiðuð hugsun.
Góð færni í greiningu tölfræðiupplýsinga og framsetningu flókinna gagna.
Góð almenn tölvuþekking og kunnátta til að nýta upplýsingakerfi sem stjórntæki.
Gott vald á íslensku og ensku bæði í ræðu og riti og geta til að miðla upplýsingum á skýran og greinargóðan hátt.
Tungumálaviðmið: C1 í íslensku og B2 í ensku skv. evrópska tungumálarammanum.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir. Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum og leggur áherslu á gagnkvæman sveigjanleika og að stuðla að jafnvægi milli vinnu og einkalífs.

Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Umsóknarfrestur er til og með 12. febrúar 2026.
Nánari upplýsingar um starfið veitir Margrét Lilja Gunnarsdóttir deildarstjóri [email protected]
Umsókn þarf að fylgja starfsferilskrá ásamt kynningarbréfi.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Advertisement published3. February 2026

Application deadline12. February 2026

Language skills