Matráður - Kokkur í Snælandsskóla

Við óskum eftir metnaðarfullum og drífandi matráði í afleysingar á vorönn, sem hefur áhuga á að skapa bragðgóðan og næringarríkan mat fyrir nemendur og starfsmenn.

Snælandsskóli er heildstæður um 450 nemenda grunnskóli staðsettur í Fossvogsdal. Skólinn byggir á langri hefð fyrir framsæknu og árangursríku skólastarfi þar sem áhersla hefur verið lögð á þátttöku í margs konar þróunar- og nýbreytniverkefnum. Skólinn hefur lagt áherslu á umhverfismál og er löng hefð fyrir Grænfána. Skólinn er Heilsueflandi grunnskóli, styðst við Olweusaráætlunina gegn einelti og er Réttindaskóli Unicef.

Einkunnarorð skólans eru: Viska – virðing – víðsýni – vinsemd.

Menntunar- og hæfniskröfur

• Menntun á sviði matreiðslu.

• Reynsla af að elda í stóreldhúsum er æskileg.

• Góð samskipti og samvinna.

• Áhugi á fjölbreyttri og hollri matargerð.

• Góð framkoma og rík þjónustulund.

• Snyrtimennska, sjálfstæði og stundvísi áskilin.

Helstu verkefni og ábyrgð

Um er að ræða verkstjórn í eldhúsi, gerð matseðla, innkaup og daglegan rekstur á mötuneyti fyrir nemendur og starfsmenn. Í skólanum er boðið upp á hefðbundinn mat sem tekur mið af lýðheilsumarkmiðum ásamt valkosti um grænkerafæði og sérfæði vegna ofnæmis. Þá ber matráður ábyrgð á því að frágangur og umgengni við matvæli og áhöld sé í samræmi við heilbrigðisstaðla.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Ráðið er í starfið frá og með 1. janúar 2026 til 15. júní 2026 í afleysingar vegna fæðingarorlofs.

Tekið við umsóknum í gegnum ráðningarvef Alfreðs.

Bent er á að samkvæmt lögum verða umsækjendur að skila sakavottorði. Upplýsingar um skólastarfið er að finna á snaelandsskoli.is.

Upplýsingar gefur Brynjar M. Ólafsson, skólastjóri í síma 860-3526 eða með fyrirspurn á [email protected].