Leggðu línurnar með okkur - verkefnaumsjón heimlagna
Við leitum að skipulagðri og ákveðinni manneskju til að sinna verkefnaumsjón heimlagna. Manneskju sem kann þá list að hafa mörg járn í eldinum og nokkra bolta á lofti án þess að missa yfirsýnina. Fylgdu straumnum til okkar og taktu þátt í að skapa trausta undirstöðu fyrir þriðju orkuskiptin á Íslandi.
Verkefnaumsjón heimlagna ber ábyrgð á móttöku, úrvinnslu og eftirfylgni allra heimlagnaumsókna. Starfið er samblanda af þjónustu við viðskiptavini Rarik og rafverktaka sem og hönnun á dreifikerfinu. Í starfinu felst einnig þjónusta við aðrar deildir og svið hjá okkur eftir því sem við á og að vinna í samræmi við verklagsreglur, verkferla, staðla, öryggisstjórnunarkerfi og gildandi reglugerðir hjá Rarik.
Við leitum að skipulagðri manneskju með opið og jákvætt hugarfar og framúrskarandi þjónustulund sem getur haldið mörgum boltum á lofti á sama tíma. Sveinspróf í rafvirkjun sem og góð tölvukunnátta er lámarkskrafa ásamt því að öll reynsla af vinnu við raflagnir og dreifikerfi er mikill kostur.
Icelandic
