Dómsmálaráðuneytið

Dómsmálaráðherra er Þorbjörg Sigríður Gunnlaugsdóttir og fer með yfirstjórn ráðuneytisins ásamt því að bera ábyrgð á öllum stjórnarframkvæmdum þess. Allar embættisfærslur starfsfólks eru gerðar í umboði ráðherra. Hjá ráðuneytinu starfa um 70 manns og eru flestir með lögfræðimenntun. Undir starfsemi ráðuneytisins heyra um 47 stofnanir sem ná til þriggja málefnasviða samkvæmt lögum um opinber fjármál og snerta fjölmörg svið þjóðfélagsins. Meðal þeirra stofnana sem heyra undir ráðuneytið eru lögregluembætti, sýslumenn, Fangelsismálastofnun, Persónuvernd og fleiri. Skipurit ráðuneytisins skiptist niður á sjö skrifstofur sem eru skrifstofa yfirstjórnar, skrifstofa alþjóðmála, skrifstofa réttinda einstaklinga, skrifstofa jafnréttismála, skrifstofa löggjafarmála, skrifstofa löggæslumála og skrifstofu fjármála sem starfar þvert á allar einingar.

About

Laust embætti varaformanns kærunefndar útlendingamála

Dómsmálaráðuneytið auglýsir laust embætti varaformanns kærunefndar útlendingamála. Nefndarmenn eru sérfróðir um mál sem falla undir útlendingalög einkum hvað varðar dvöl og búsetu útlendinga hér á landi, málefni flóttamanna og rétt til alþjóðlegrar verndar.

Helstu verkefni og ábyrgð

Varaformaður er staðgengill formanns og sinnir ásamt honum innra starfi nefndarinnar svo sem gerð verklagsreglna, undirbúningi úrskurða nefndarinnar og þróun starfseminnar í þágu gæða og skilvirkni. Að jafnaði úrskurða tveir nefndarmenn í málum sem berast kærunefnd, sbr. 8. gr. laga um útlendinga.

Menntunar- og hæfniskröfur

Umsækjendur skulu fullnægja skilyrðum 2. mgr. 29. gr. laga um dómstóla nr. 50/2016 auk eftirfarandi hæfniskrafna:

Þekking og reynsla á sviði stjórnsýsluréttar.
Þekking og reynsla af vinnslu úrskurða innan stjórnsýslunnar.
Þekking á málefnum útlendinga kostur.
Rík samskipta- og samstarfshæfni, ásamt hæfni til að leiða faglegt samstarf við ólíka hagaðila.
Fagmennska, frumkvæði, drifkraftur og lausnamiðuð hugsun.
Mjög gott vald á íslensku og ensku og færni til að tjá sig í ræðu og riti.

Dómsmálaráðherra skipar í embætti varaformanns kærunefndar útlendingamála til fimm ára í senn sbr. lög um réttindi og skyldur starfsmanna ríkisins, nr. 70/1996. Dómsmálaráðuneytið felur nefnd að fara yfir þær umsóknir sem berast og skila ráðherra rökstuddu áliti á hæfni umsækjenda. Um laun og starfskjör varaformanns fer sbr. 39. gr. a laga um réttindi og skyldur starfsmanna ríkisins nr. 70/1996.

Umsókn skal vera skrifleg og skal fylgja ítarleg ferilskrá ásamt kynningarbréfi þar sem gerð er grein fyrir færni viðkomandi til að gegna embættinu í samræmi við þær hæfniskröfur sem fram koma í 2. mgr. 29. gr. laga nr. 50/2016 og auglýsingunni. Í umsókninni skulu einnig koma fram upplýsingar um hvern og einn þeirra þátta sem tilgreindir eru í 2. mgr. 29. gr. laga nr. 50/2016 og auglýsingunni auk annarra upplýsinga sem varpað geta ljósi á faglega eiginleika og færni umsækjanda sem máli skipta. Með umsókn skulu fylgja afrit af prófskírteinum. Öllum umsóknum verður svarað þegar ákvörðun um skipun liggur fyrir.

Umsóknarfrestur er til og með 3. júlí og skal senda umsókn í gegnum starfatorg.

Nöfn allra umsækjenda verða birt á vef ráðuneytisins að liðnum umsóknarfresti.

Nánari upplýsingar veitir Páll Winkel, ráðuneytisstjóri ([email protected]) og Unnur Helgadóttir, mannauðsstjóri í dómsmálaráðuneytinu ([email protected]).

Advertisement published24. June 2026

Application deadline3. July 2026

Language skills