Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

About

Garðyrkjustjóri Reykjavíkurborgar

Umhverfis- og skipulagssvið Reykjavíkurborgar leitar að öflugum leiðtoga til að stýra einingu garðyrkju og borgarskóga á skrifstofu borgarlandsins. Undir starfssvið garðyrkjustjóra fellur fagleg forysta starfseininga garðyrkju og borgarskóga og verkefnin meðal annars að hafa yfirumsjón með stefnumótun, fegrun, umhirðu og aðgengi á grænum svæðum borgarinnar.

Við leitum að einstaklingi með ríka forystu- og samskiptahæfileika, ástríðu fyrir umbótum, nýsköpun og frumkvæði til að þróa nýjar lausnir í þjónustunni. Um er að ræða fjölbreytt og krefjandi starf í faglegu starfsumhverfi þar sem áhersla er á þverfaglega teymisvinnu, góða þjónustu og virðingu fyrir umhverfinu. Næsti yfirmaður er skrifstofustjóri.

Helstu verkefni og ábyrgð

Leiðir stefnumótun í garðyrkju og skógrækt í borgarlandinu.
Fagleg stjórnun mannauðs, fjármála, skipulags og daglegra verkefna sem heyra undir eininguna.
Leiðir áætlanagerð, skipulagningu og markmiðasetningu einingarinnar og tryggir að unnið sé í samræmi við stefnu, áherslur og markmið umhverfis- og skipulagssviðs.
Stuðlar að öruggu vinnuumhverfi og byggir upp öfluga liðsheild og góðan starfsanda.
Leiðandi hlutverk og þátttaka í starfshópum innan og utan Reykjavíkurborgar.

Menntunar- og hæfniskröfur

Háskólamenntun á framhaldsstigi sem nýtist í starfi t.d. á sviði náttúru- og umhverfisfræða, skógfræði, landslagsarkitektúr o.s.frv., eða meistararéttindi í garðyrkju ásamt framhaldsmenntun.
Framhaldsmenntun í stjórnunarfræðum er kostur.
Sterk hæfni í mannlegum samskiptum, þjónustuhugsun og leiðtogahæfileikar.
Haldbær reynsla af garðyrkjustörfum og stjórnun nauðsynleg.
Greiningar- og skipulagshæfni, frumkvæði og lausnamiðuð hugsun.
Íslenskukunnátta C1 skv. samevrópska tungumálarammanum og B2-C1 í ensku.
Góð tölvu- og tæknikunnátta.
Þekking á opinberri stjórnsýslu kostur.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni.
Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.
Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar veitir Hjalti Jóhannes Guðmundsson, skrifstofustjóri borgarlands í gegnum tölvupóst: [email protected]

Advertisement published11. April 2025

Application deadline5. May 2025

Language skills