Leikskólastarfsfólk – Fagnámskeið 1 – Blandað nám
Á námskeiðinu er lögð áhersla á tölvuleikni, samskipti og sjálfseflingu. Hagnýtt og eflandi nám fyrir starfsfólk leikskóla sem vill vaxa, læra og blómstra.
Um námið
Á fagnámskeiðum Mímis tekur þú þátt í fjölbreyttum verkefnum sem veita þér verkfæri og kunnáttu til að takast á við persónuleg og starfstengd verkefni.
Við bjóðum upp á símenntun sem eflir þig og getur opnað ný tækifæri í lífi og starfi.
Námsþættirnir skiptast í tvo meginflokka, persónulega og starfstengda færni.
Persónuleg og almenn færni
- Sjálfstyrking og samskipti: Efldu sjálfstraust þitt og samskiptafærni.
- Námstækni: Fáðu í hendurnar skýr og áreiðanleg verkfæri til að læra á skilvirkari hátt.
- Tölvuleikni: Styrktu faglega og hagnýta þekkingu þína á tölvum og stafrænum lausnum.
Starfstengd og fagleg færni
- Uppeldi leikskólabarna: Dýpkaðu skilning þinn á lykilþáttum í uppeldi barna.
- Listastarf með börnum: Fáðu innblástur og aðferðir til að efla sköpunargáfu barna.
- Fjölmenningarlegur leikskóli: Lærðu að mæta þörfum barna úr fjölbreyttum menningarheimum.
- Umhverfismennt: Öðlastu þekkingu og færni til að innleiða umhverfisvitund í leikskólastarfi.
Fyrir hverja?
Námið er fyrir þau sem starfa á leikskólum, eru eldri en 20 ára og hafa ekki lokið formlegu framhaldsskólanámi.
Markhópur framhaldsfræðslunnar samkvæmt stjórn Fræðslusjóðs.
Skilmálar og úthlutunarreglur Fræðslusjóðs.
Námskeiðið er kennt á íslensku. Til að taka þátt í náminu og til að tryggja sem bestan námsárangur mælum við með því að þátttakendur hafi hæfni á a.m.k. stigi A2-B1 í íslensku samkvæmt Evrópska tungumálarammanum.
Þú getur skoðað rammann betur hér.
Ef að þú ert óviss með kunnáttu þína í íslensku getur þú komið í ókeypis stöðupróf í íslensku hjá Mími-símenntun áður en þú sækir um námið. Nánari upplýsingar fást hjá verkefnastjóra.