Menntastoðir

Nám í Menntastoðum samanstendur af almennum bóklegum greinum á 2. þrepi. Námið er ætlað þeim sem stefna á nám við undirbúningsdeildir háskóla, þeim sem vilja ljúka framhaldsskóla eða þeim sem vilja efla hæfni sína í bóklegum greinum. Einnig má meta nám í menntastoðum til eininga í bóklegum greinum iðnnáms. 

Hægt er að taka staka áfanga í Menntastoðum.

Fyrirkomulag náms: 

Námið er byggt þannig upp að tveir áfangar eru kenndir í einu í fimm vikur í senn. Hver áfangi hefst með fjarfundi á laugardegi og í kjölfarið fer námið fram á netinu í vendikennslu. Athugið að mikilvægt er að mæta á fyrsta fjarfund svo að námið gangi vel fyrir sig. Allir fyrirlestrar eru teknir upp fyrirfram og aðgengilegir námsmönnum í gegnum netið.

Námsmenn hafa aðgengi að kennara í vinnustofum á mánudögum eða miðvikudögum  milli kl. 17:00 - 20:00 í gegnum netið. Þar geta nemendur fengið aðstoð og leiðsögn við gerð verkefna frá kennara. Þar fyrir utan er nemendum frjálst að nýta sér aðstöðuna í SÍMEY og hafa þar aðgengi að ráðgjöfum og verkefnastjórum.

Námsmat:

Námsárangur er metinn með símati í formi verkefna, ekki eru haldin eiginleg lokapróf í áföngunum.  

• Fög kennd á haustönn 2025 (birt með fyrirvara um breytingar):

  • Upplýsingatækni - Hefst 6. september
  • Hagnýt stærðfræði - Hefst 6. september  Því miður er orðið fullt í hagnýta stærðfræði á haustönn 2025
  • Íslenska - Hefst 13. október
  • Enska - Hefst 4. nóvember

Sjá nánar námskeiðslýsingar og hæfniviðmið í námsskrá Fræðslumiðstöðvar atvinnulífsins.

Hafið samband við Helenu ([email protected]) eða Jónínu ([email protected]) fyrir frekari upplýsingar um nám í Menntastoðum.

Fullt nám hefst í ágúst 2025 en hægt er að sækja um þá áfanga sem ekki eru farnir af stað fram að upphafi þeirra.