Að lesa og skrifa á íslensku fyrir arabískumælandi
Um námskeiðið
Námskeiðið er grunnur í íslensku fyrir nemendur sem þurfa að fara hægt yfir námsefnið. Lestur, ritun (einnig á lyklaborð) og tal eru þjálfuð með kennara sem talar mál hópsins
Kennsluaðferðir eru fjölbreyttar og námsefni af vefmiðlum verður nýtt.
Uppbygging náms
Kennt er þriðjudaga og fimmtudaga klukkan 16:30-19:30
Á námskeiðinu læra nemendur íslenska stafrófið og þjálfa framburð, læra grunnorðaforða daglegs máls og einfalda setningagerð. Þeir læra að segja frá sjálfum sér og spyrja og svara einföldum spurningum. Innsýn í íslenskt samfélag er fléttuð inn í námið. Nemendur æfa tal, skilning, lestur og ritun einfaldra setninga með áherslu á talþjálfun með fjölbreyttum kennsluaðferðum.
Þjálfun í að nota tölvur er hluti af námskeiðinu. Með því er er átt við að nemendur noti tölvur til að skrifa einföld orð og upplýsingar um sjálf sig, og æfi sig í að opna gagnlegar vefsíður og nota „öpp“ sem komi að gagni í náminu eða daglegu lífi.
Mjög einföld málfræði er kynnt í tengslum við námsefnið.
Námið er kennt skv. námskrá framhaldsfræðslunnar; Að lesa og skrifa á íslensku sem er vottuð af Miðstöð menntunar og skólaþjónustu.
Námið er niðurgreitt af Fræðslusjóði.
Náms- og starfsráðgjöf hjá ráðgjöfum Mímis stendur öllum þátttakendum til boða.
Í lok námskeiðs er staða nemenda metin og þeim ráðlagt um áframhaldandi íslenskunám og/eða námsleiðir framhaldsfræðslunnar.
Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?
Verð á námsleiðum er birt með fyrirvara um breytingar