Starfsmaður í vöruhúsi

Við leitum að áreiðanlegum, skipulögðum og vandvirkum liðsfélaga til að styrkja vöruhúsateymi Nox Medical. Í þessu hlutverki mun þú sjá um móttöku, skráningu, pökkun og meðhöndlun á vörum, auk þess að taka saman og afgreiða sendingar til viðskiptavina okkar um allan heim.

Nox Medical er leiðandi fyrirtæki á alþjóðavísu í þróun og framleiðslu á lækningartækjum til þess að greina svefnsjúkdóma. Unnið er samkvæmt ítarlegu gæðakerfi á öllum sviðum, þar sem nákvæmni og fagmennska er í fyrirrúmi.

Helstu verkefni:

• Taka á móti vörum og staðfesta magn og upplýsingar og skrá í birgðakerfi.

• Pökkun og undirbúningur sendinga, þar með talið skjalavinna fyrir útflutning

• Halda utan um birgðir og skráningar í Microsoft Business Central.

• Framkvæma innri móttöku- og gæðaskoðanir á keyptum vörum samkvæmt verklagsreglum.

• Vinna náið með framleiðslu- og þjónustudeild varðandi sendingar og birgðahald.

• Viðhalda skipulögðu, hreinu, öruggu vöruhúsi og stuðla að góðu flæði í daglegu starfi

• Taka virkan þátt í umbótaverkefnum, hagræðingu ferla og sinna öðrum tilfallandi verkefnum eftir þörfum.

Hæfnis- og menntunarkröfur:

• Nákvæmni í vinnubrögðum og geta til að klára verkefni af fagmennsku.

• Færni til að fylgja verklagsreglum og sinna skráningum og skjölun.

• Áhugi á að starfa í umhverfi þar sem gæðakröfur og ferlar skipta miklu máli.

• Reynsla af vinnu á lager, í vöruhúsi eða birgðastýrðu umhverfi er kostur.

• Góð enskukunnátta í ræðu og riti.

• Gott auga fyrir tölum og áhugi á tæknilausnum er kostur.

• Þekking á Excel og Word er æskileg; reynsla af birgðakerfum eins og Navision og Business Central er kostur.

Umsóknir, ásamt ferilskrá og kynningarbréfi, mega vera á íslensku eða ensku. Kostur er að viðkomandi geti hafið störf sem fyrst.

Við höfum áhuga á hæfileikaríku fólki sem deilir ástríðu okkar fyrir að bæta líf fólks. Nox Medical fagnar fjölbreytileika. Við teljum að grunnurinn að kraftmikilli frumkvöðla starfsemi felist í sanngjörnu og inngildandi vinnuumhverfi. Menning fyrirtækisins okkar byggist á því að leiða saman ólíkar hugmyndir og einstaklinga til að hvetja til nýsköpunnar og samvinnu.