Laus störf Hæfnileit Vinnustaðir Námskeið

Landsnet hf.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar.Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Vinnustaðurinn

Sérfræðingur í rekstri stjórn- og varnarbúnaðar

Við leitum að metnaðarfullum og ábyrgum liðsfélaga til að styrkja teymi sérfræðinga sem sinnir rekstri stjórn- og varnarbúnaðar og sjálfvirknivæðingu í flutningskerfi raforku. Hlutverk teymisins er að undirbúa Landsnet fyrir framtíðina – hvort sem það felur í sér nýja tækni, aukinn raforkuflutning, nýja viðskiptavini eða breyttar áherslur í orkumálum.

Landsnet er framarlega í notkun stafrænna lausna í orkuflutningi. Í starfinu sameinast rafmagnsþekking og verkleg vinna við stillingar og prófanir á stjórn- og varnarbúnaði í tengivirkjum. Þú tekur þátt í verkefnum sem hafa raunveruleg samfélagsáhrif og styður við stafræna þróun flutningskerfisins.

Helstu verkefni og ábyrgð

Rekstur og eftirlit með stjórn- og varnarbúnaði.
Innleiðing nýrrar tækni í stjórn- og varnarbúnaði raforkukerfa.
Verkleg vinna á vettvangi, m.a. mælingar, prófanir og uppsetning búnaðar.
Þátttaka í greiningu gagna og upplýsinga til að bæta rekstur og öryggi.

Menntunar- og hæfniskröfur

Menntun á sviði rafiðn-, rafmagns- eða tæknifræði. Marktæk starfsreynsla getur komið í stað formlegrar menntunar.
Þekking og reynsla í rekstri stjórn- og varnarbúnaðar og/eða raforkukerfum.
Mjög góð tölvukunnátta.
Þekking á netsamskiptum er kostur.
Góð hæfni í uppbyggilegum samskiptum og samvinnu.

Fríðindi í starfi

Tækifæri til að hafa áhrif á samfélagslega mikilvæg verkefni og móta stafrænan rekstur flutningskerfisins.
Gott vinnuumhverfi þar sem áhersla er á faglegan stuðning og þjálfun.
Góð aðstaða á vinnustaðnum, m.a. líkamsrækt og mötuneyti.
Samstarf við fjölbreytt, áhugasamt og þekkingarmikið starfsfólk.

Umsóknarfrestur er til og með 26. nóvember 2025.

Við hvetjum öll áhugasöm til að sækja um óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þig langar að bætast í hópinn.

Sótt er um starfið á landsnet.is. Nánari upplýsingar veitir Jason Már Bergsteinsson, mannauðssérfræðingur, á [email protected]. Öllum umsóknum verður svarað og farið með þær sem trúnaðarmál.

Auglýsing birt14. nóvember 2025

Umsóknarfrestur26. nóvember 2025

Tungumálahæfni