Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Leikskólinn Völlur -Þroskaþjálfi/Sérkennari

Leitað er að metnaðarfullum einstaklingi sem hefur víðtæka þekkingu á skólastarfi, framsækna skólasýn og er tilbúinn að leggja sitt af mörkum.

Völlur er sex kjarna leikskóli á Ásbrú í Reykjanesbæ sem er aldurs og kynjaskiptur með um 100 nemendur. Um 75% barna eru tví-eða fjöltyngd og eru þjóðerni nemenda því fjölbreytt.

Hugmyndafræði

Námskrá leikskólans Vallar byggir á hugmyndafræði Hjallastefnunnar. Svokallaðar meginreglur liggja til grundvallar allri hugmyndafræði Hjallastefnunnar.

Meginreglur eru sex talsins og eru settar upp í skýrri forgangsröð.

1. Börn og foreldrar 2. Starfsfólk 3. Umhverfi 4. Efniviður 5. Náttúra 6. Samfélag

Í meginreglunum birtast hugsjónir okkar, bæði innri þættir eins og þau lífsgildi sem við starfsfólk sameinumst um; viðhorf, mannskilningur og lífssýn svo og ytri þættir eins og skipulag, starfshættir og aðferðir sem byggja á umræddum hugsjónum og einkenna Hjallastefnuna.

Áhersluþættir í starfinu eru: Jafnrétti – Lýðræði – Sköpun – Fjölbreytileiki

Einkunnarorð Vallar eru: Agi-Jákvæðni-Sjálfstyrking-Vinátta-Samskipti-Áræðni

Gildi Reykjanesbæjar eru virðing, eldmóður og framsækni og er mikilvægt að viðkomandi endurspegli þau gildi í sínum störfum.

Helstu verkefni og ábyrgð

Ábyrgð á gerð og eftirfylgni náms- og einstaklingsáætlana í samvinnu við stjórnendur
Ábyrgð á kennslu, þjálfun og umönnun nemenda
Þátttaka í þverfaglegu teymi fagaðila og annarra sem koma að hverjum nemanda
Ábyrgð á markvissum samskiptum við foreldra og aðra fagaðila
Þátttaka í þróunar- og teymisvinnu ásamt öðum verkefnum innan skólans eftir þörfum

Menntunar- og hæfniskröfur

Leyfisbréf sem þroskaþjálfi
Önnur sérkennslumenntun kostur?
Reynsla af starfi þroskaþjálfa/sérkennara
Reynsla af teymisvinnu og samstarfi við fagaðila
Leiðtogahæfni, metnaður og áhugi
Jákvætt viðmót og frumkvæði í starfi
Reynsla af skipulagi og teymisstjórnun
Áhersla er lögð á lipurð í samstarfi og góða hæfni mannlegum samskiptum í fjölmenningarlegu umhverfi
Stundvísi og samviskusemi
Góð íslenskukunnátta

Hlunnindi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um 100% starf er að ræða og er æskilegt að viðkomandi geti hafið störf sem fyrst. Launakjör eru samkvæmt kjarasamningi Samband íslenskra sveitarfélaga og Þroskaþjálfafélags Íslands.

Sótt er um á vef Reykjanesbæjar, www.reykjanesbaer.is, undir Laus störf. Umsókn um starfið skal fylgja skrá yfir menntun og starfsferil ásamt afriti af leyfisbréfi. Einnig er óskað eftir kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Nánari upplýsingar um starfið veitir Hulda B Stefánsdóttir, skólastjóri á Velli netfang: [email protected] S. 421-8410.

Auglýsing birt11. nóvember 2025

Umsóknarfrestur24. nóvember 2025

Tungumálahæfni