Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Launafulltrúi

Starf launafulltrúa á launadeild Landspítala er laust til umsóknar. Um er að ræða dagvinnustarf sem felur í sér mikil samskipti og fjölbreytt og krefjandi verkefni.

Við sækjumst eftir öflugum einstaklingi sem er lausnamiðaður, fljótur að læra og tileinka sér hlutina, með ríka þjónustulund, góða samskiptahæfni og sýnir frumkvæði, nákvæmni og aga í vinnubrögðum.

Launadeild heyrir undir skrifstofu mannauðsmála og þar starfa 17 aðilar í nánu samstarfi við starfsfólk spítalans. Meginverkefni launadeildar eru að tryggja að launavinnsla, afgreiðsla launa og launatengdra mála hljóti afgreiðslu í samræmi við samninga, lög, verklagsreglur og leiðbeiningar. Móttaka, úrvinnsla, skráning og varsla launagagna eru grundvallarþættir í starfsemi deildarinnar, sem og aðstoð og leiðbeiningar til starfsfólks og stjórnenda. Unnið er í Orra fjárhags- og mannauðskerfi ríkisins og Vinnustund.

Starfshlutfall er 100% og er upphafsdagur skv. samkomulagi. Við bjóðum upp á góða vinnuaðstöðu í verkefnamiðuðu vinnurými og frábært mötuneyti.

Menntunar- og hæfniskröfur

Rík þjónustulund, frumkvæði og samskiptahæfni

Greiningarhæfni, nákvæmni og öguð vinnubrögð

Þekking á launavinnslu almennt

Þekking á launakerfi Orra er kostur

Þekking á Vinnustund er kostur

Þekking á kjarasamningum og stofnanasamningum er kostur

Stúdentspróf eða sambærileg menntun

Góð íslenskukunnátta

Helstu verkefni og ábyrgð

Afgreiðsla launa og launatengdra verkefna

Stuðla að samræmi skráningar í launakerfi Orra og Vinnustund

Yfirfara rafræna skráningu, leiðrétta og senda til launakerfis

Halda utan um skráningu á starfslokum og uppgjörum vegna starfsloka

Sinna afleysingum, símsvörun, fyrirspurnum, skjalavörslu og öðrum verkefnum

Leiðbeina stjórnendum og starfsfólki um launatengda verkferla

Önnur tilfallandi verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið og afrit af prófskírteinum. Fylgiskjöl skulu vera á pdf formi. Ákvörðun um ráðningu í starfið byggist á faglegu og stöðluðu matsferli.

Tekið er mið af jafnréttisstefnu Landspítala við ráðningar á spítalanum og hefur Landspítali hlotið jafnlaunavottun.

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Öllum umsóknum verður svarað.

Starfsmerkingar: Heilbrigðisþjónusta, launafulltrúi, skrifstofustarf

Tungumálahæfni: íslenska 4/5, enska 3/5

Nánari upplýsingar

Ottó Magnússon

Tölvupóstur: [email protected]

Auglýsing birt1. desember 2025

Umsóknarfrestur15. desember 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (42)