Deildarstjóri skammtímadvalar á Heiðarholti

Suðurnesjabær óskar eftir ábyrgum og faglegum einstaklingi í fullt starf í stöðu deildarstjóra skammtímadvalar á Heiðarholti, sem er úrræði fyrir fötluð börn og ungmenni með fjölbreyttar stuðningsþarfir. Starfið felur í sér dagvinnu ásamt því að sinna vöktum að hluta, í samræmi við þarfir deildarinnar.

Starfið felur í sér að leiða faglegt starf í nánu samstarfi við forstöðumann, styðja starfsfólk í daglegum verkefnum og tryggja að þjónustan sé veitt af virðingu, umhyggju og fagmennsku. Æskilegt er að viðkomandi hafi metnað fyrir faglegri þróun og brennandi áhuga á að styðja notendur til virkrar þátttöku

Helstu verkefni og ábyrgð

• Leiða faglegt starf og er staðgengill forstöðumanns í hans fjarveru
• Gengur vaktir í samræmi við vaktaplön og tekur virkan þátt í daglegu starfi með starfsfólki og þjónustunotendum
• Skipuleggja vaktir og tryggja rétta mönnun í samráði við forstöðumann.
• Tryggja að starf sé unnið samkvæmt einstaklingsbundnum þörfum og markmiðum þjónustunotenda
• Halda utan um upplýsingaflæði, verklag og skráningar innan deildar
• Vera tengiliður við aðstandendur og stuðla að faglegum og traustum samskiptum.
• Taka þátt í innleiðingu nýrra verklaga og þróunarstarfi Heiðarholts
• Önnur verkefni skv. starfslýsingu

Menntunar- og hæfniskröfur

• Starfsleyfi sem þroskaþjálfi eða BA/BS gráða á sviði heilbrigðis- eða félagsvísinda
• Þekking og reynsla af starfi með fötluðu fólki er nauðsynleg.
• Stjórnunar- eða leiðtogareynsla er æskileg.
• Reynsla og hæfni í teymisvinnu er æskileg.
• Sveigjanleiki, jákvætt viðmót og hæfni í mannlegum samskiptum.
• Frumkvæði, skipulagshæfni og sjálfstæði í vinnubrögðum.
• Góð tölvukunnátta og mjög gott vald á íslensku í ræðu og riti.

Skilyrði er að viðkomandi hafi hreint sakavottorð.

Laun samkvæmt gildandi kjarasamningi Sambands íslenskra sveitarfélaga og BHM.

Umsóknarfrestur er til og með 23. nóvember 2025.

Umsókn um starfið þarf að fylgja greinargóð starfsferilskrá og kynningarbréf þar sem gerð er grein fyrir ástæðu umsóknar, fyrri störfum umsækjanda, menntun og reynslu.

Nánari upplýsingar um starfið veita, Eyrún Ösp Ingólfsdóttir forstöðumaður á netfangið [email protected]

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.