Vogaskóli auglýsir eftir stuðningsfulltrúa í sérdeild fyrir einhverfa nemendur.

Vogaskóli auglýsir eftir stuðningsfulltrúa í 75% - 80% starf. Leitað er eftir metnaðarfullum, sjálfstæðum og drífandi einstaklingi sem er tilbúinn til þess að starfa í sérdeild fyrir einhverfa. Meðal annarra verkefna er að fylgja nemendum í búningsklefa karla í íþróttum og sundi.

Vogaskóli er heildstæður grunnskóli með rúmlega 400 nemendur og um 90 starfsmenn. Skólinn er staðsettur við Skeiðarvog í Vogahverfinu í Reykjavík. Þar er einnig sérdeild fyrir einhverfa nemendur. Unnið er eftir menntastefnu Reykjavíkur ,,Látum draumana rætast“, uppbyggingarstefnunni og verið er að innleiða aðferðir leiðsagnarnáms. Í skólanum ríkir jákvæður skólabragur sem einkennist af virðingu, samkennd, samvinnu, gleði og ábyrgð.