Viltu vera hluti af einu áhugaverðasta teymi borgarinnar?
Hefur þú brennandi áhuga á að vinna með fólki við fjölbreyttar aðstæður? Þá erum við að leita af þér. Norðurmiðstöð óskar eftir hressu og umhyggjusömu starfsfólki til starfa í viðbragðsteymi heimaþjónustu. Um er að ræða hlutastarf á dagvinnutíma og er ráðningartímabil samkomulag. Starfshlutfall getur verið 40-80% eða eftir samkomulagi. Starfið hentar vel með námi, s.s. á félags-, heilbrigðis- eða menntavísindasviði.
Áhersla er lögð á að veita persónumiðaða og sveigjanlega þjónustu sem stuðlar að auknu sjálfstæði og virkri samfélagsþátttöku. Í teyminu starfar þéttur og samheldinn starfsmannahópur og tökum við vel á móti nýju starfsfólki.
Starfið býður upp á fjölbreyttar áskoranir. Unnið er á heimilum notenda þar sem mikil þörf er á aðstoð og geta notendur átt við geðræn veikindi og/eða fíknivanda að stríða. Mikilvægt er að viðkomandi treysti sér í að sinna verkefnum inni á heimilum við krefjandi aðstæður.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.
- Aðstoða notendur við tiltekt, þrif og/eða skipulagningu á heimilum þar sem veruleg þörf er á og áður en almenn félagsleg heimaþjónusta getur hafist.
- Veita félagslegan stuðning og hvatningu er varðar umhirðu heimilis og/eða persónulega umhirðu, ásamt því að styðja notendur við að þiggja almenna félagsþjónustu.
- Samskipti við miðstöðvar og/eða aðra þá sem koma að málum notenda.
- Góð almenn menntun
- Íslenskukunnátta á stigi B1-C1, samkvæmt samevrópska matskvarðanum
- Gilt ökuleyfi
- 20 ára aldurstakmark
- Hreint sakavottorð í samræmi við lög og reglur Reykjavíkurborgar
- Umburðarlyndi og virðing fyrir manneskjunni í hvaða aðstæðum sem er
- Jákvæðni, sveigjanleiki og framúrskarandi hæfni í mannlegum samskiptum
- Hæfni til að takast á við krefjandi vinnuumhverfi
- Hæfni til að vinna sjálfstætt sem og í teymi
- Reynsla af krefjandi verkefnum í félagslegri heimaþjónustu eða umönnun kostur
- Reynsla af vinnu með fólki í fíknivanda kostur
- Samgöngustyrkur
- Heilsuræktarstyrkur
- Menningar- og sundkort Reykjavíkur
- Aðgengi að stuðnings- og ráðgjafateymi
Icelandic
