Avis og Budget

Bílaleiga Avis rekur rætur sínar allt aftur til ársins 1946, til borgarinnar Detroit í Michigan. Í dag er bílaleiga Avis heimsþekkt alþjóðlegt fyrirtæki sem starfar í meira en 165 löndum. Avis á Íslandi hefur verið starfandi síðan 1987 og er í dag ein stærsta bílaleiga landsins. Hjá Avis á Íslandi starfa um 100 manns um land allt með höfuðstöðvar í Reykjavík. Avis er fjölbreyttur og skemmtilegur vinnustaður sem leggur áherslu á framúrskarandi þjónustu. Fyrirtækið hlaut jafnlaunavottun 2021 og fjöldann allan af ferðaviðurkenningum.

About

Viðskiptastjóri - Erlendir markaðir

AVIS á Íslandi leitar að metnaðarfullum og söludrifnum viðskiptastjóra sem vill taka þátt í áframhaldandi vexti fyrirtækisins og gegna lykilhlutverki á sölu- og markaðssviði.

Viðskiptastjóri starfar beint undir framkvæmdastjóra sölu og markaðssviðs og ber ábyrgð á uppbyggingu og þróun viðskiptasambanda við ferðaskrifstofur og aðra samstarfsaðila í ferðaþjónustu. Meginmarkmið starfsins er að auka sölu, styrkja samstarf og skapa ný viðskiptatækifæri á erlendum mörkuðum.

Um er að ræða fjölbreytt og krefjandi starf í alþjóðlegu umhverfi þar sem reynir á frumkvæði og samskiptahæfni.

Helstu verkefni og ábyrgð

Umsjón með og þróun samskipta við ferðaskrifstofur og aðra lykilsamstarfsaðila
Öflun nýrra viðskiptavina og uppbygging nýrra samstarfssamninga
Greina sölutækifæri og markaðsaðstæður
Regluleg samskipti, heimsóknir og fundir með viðskiptavinum innanlands og erlendis
Gerð tilboða, samningaviðræður og eftirfylgni samninga

Menntunar- og hæfniskröfur

Háskólamenntun og / eða reynsla sem nýtist í starfi
Greiningarhæfni
Framúrskarandi samskiptafærni
Reynsla úr ferðaþjónustu er mikill kostur
Rík þjónustulund
Frumkvæði
Metnaður til að bæta sölu og þjónustu
Sjálfstæð vinnubrögð
Mjög góð færni í íslensku og ensku
Vilji og geta til að ferðast vegna starfsins

Nánari upplýsingar um starfið veitir Árni Sigurjónsson, framkvæmdastjóri sölu og markaðssviðs ([email protected])

Farið er með umsóknir sem trúnaðarmál.

Bílaleiga Avis er heimsþekkt alþjóðlegt fyrirtæki sem starfar í meira en 165 löndum víðsvegar um heiminn og telur yfir 5.000 leigustöðvar.
Einkunnarorð fyrirtækisins "Við gerum betur" fela í sér skuldbindingu um að gott samband við viðskiptavini byggi á einbeittum vilja fyrirtækisins til þess að „Gera betur“ bæði hvað varðar þjónustu og fagmennsku.
Viðskiptavinir geta treyst því að Avis er bílaleiga sem er ávallt með gott úrval af nýjum bifreiðum og vinnur stöðugt að því að gera bókun á bílaleigubíl eins aðgengilega og kostur er.

Avis bílaleiga hlaut viðurkenningu fyrir framúrskarandi starfsumhverfi frá Moodup 2025 og fjöldann allan af ferðaviðurkenningum.

Advertisement published22. June 2026

Application deadline7. July 2026

Language skills