Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

About

Sýslumaðurinn á höfuðborgarsvæðinu óskar að ráða matreiðslumann

Leitað er að öflugum matreiðslumanni til að matreiða fjölbreyttan og heilsusamlegan hádegismat fyrir starfsfólk.

Markmið með rekstri mötuneytis er að sem flestir starfsmenn borði þar daglega. Til að ná því markmiði útbúa matreiðslumaður og aðstoðarmaður hollan og fjölbreyttan mat sem unninn er frá grunni, mat sem uppfyllir lýðheilsumarkmið embættis landlæknis og höfðar til sem flestra starfsmanna.

Helstu verkefni og ábyrgð

Umsjón, rekstur og skipulagning mötuneytis
Undirbúningur, skipulag og framreiðsla máltíða og annarra veitinga
Dagleg verkstjórn aðstoðarmanns
Innkaup og rekstur mötuneytis á sem hagkvæmastan hátt
Fylgjast með þróun og breytingum á sviði matseldar
Að aðstæður og búnaður í eldhúsi og matsal séu í samræmi við kröfur um hollustuhætti, hreinlæti og aðrar reglur sem um slíka starfsemi gilda

Menntunar- og hæfniskröfur

Matartæknanám skilyrði, sveinspróf eða meistarapróf í matreiðslu æskilegt
Reynsla af rekstri eldhúss fyrir stóra hópa
Fagleg vinnubrögð og skipulagshæfni
Jákvæðni, þjónustulund og lipurð í mannlegum samskiptum
Snyrtimennska
Frumkvæði, áreiðanleiki, drifkraftur
Sjálfstæði, útsjónarsemi
Almenn tölvukunnátta
Íslenskukunnátta

Um er að ræða 100% starf, 36 klst. vinnuvika.

Umsókn skal skilað í gegnum umsóknarkerfi Alfreðs og þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni umsækjanda í starfið.

Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út. Við ráðningu er tekið mið af jafnréttisstefnu Sýslumannsins á höfuðborgarsvæðinu.

Um launakjör fer eftir kjarasamningi fjármála- og efnahagsráðherra og hlutaðeigandi stéttarfélags.

Nánari upplýsingar um starfið veitir Baldur G. Jónsson, mannauðsstjóri ([email protected]).

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Advertisement published17. March 2026

Application deadline6. April 2026

Language skills