Stuðningsfulltrúi i

Í skemmtilegan, spennandi og fjölbreyttan starfsmannahóp vantar okkur stuðningsfulltrúa. Það er gaman að vinna í Fellaskóla.

Í Fellaskóla er fjölbreyttur og hæfileikaríkur nemendahópur. Flestir nemendanna tala fleiri en eitt tungumál og tengjast fjölmörgum löndum og menningarsvæðum. Með nemendum starfar öflugur hópur starfsfólks. Skólastarfið einkennist af jákvæðum skólabrag, samvinnu kennara sem miðar að því að koma til móts við ólíkar þarfir nemenda, styrkja samskipti innan nemendahópsins og skapa metnaðarfullt námsumhverfi án aðgreiningar þar sem nemendur geta látið drauma sína rætast.

Í Fellaskóla er sérdeild fyrir nemendur með einhverfu. Við starfrækjum einnig frístundaheimilið Vinafell fyrir nemendur í 1. og 2. bekk.

Stuðningsfulltrúi starfar náið með kennurum, þroskaþjálfum og öðrum stuðningsfulltrúum. Næsti yfirmaður er aðstoðarskólastjóri og eða deildarstjóri sérdeildar.

Fellaskóli er skóli án aðgreiningar. Mikil áhersla er á læsi í yngstu árgöngunum og við vinnum náið með leikskólum hverfisins til að efla málþroska nemenda.

Fellaskóli er símalaus skóli, sem þýðir að nemendur nota ekki síma á skólatíma.

Við bjóðum upp á skemmtilegt starfsumhverfi, flottan starfsmannahóp og rík tækifæri til að þróast í starfi.

Um er að ræða 50-80% starf með möguleika á fullu starfi með því að vinna einnig í frístundaheimilinu Vinafell. Starfið er laust frá 24. ágúst.