Heilbrigðisráðuneytið

Heilbrigðisráðuneytið tók formlega til starfa 1. janúar 2019 í samræmi við forsetaúrskurð nr. 118/2018 um skiptingu Stjórnarráðs Íslands í ráðuneyti. Ráðuneytið varð til þegar velferðarráðuneytinu var skipt í heilbrigðisráðuneyti og félagsmálaráðuneyti. Heilbrigðisráðuneytið annast verkefni sem varða heilbrigðisþjónustu, lýðheilsu og forvarnir, lífvísindi og lífsiðfræði og sjúkratryggingar almannatrygginga, líkt og nánar er tilgreint í forsetaúrskurði um skiptingu stjórnarmálefna milli ráðuneyta nr. 6/2022. Heilbrigðisráðherra fer með yfirstjórn ráðuneytisins og ber ábyrgð á öllum stjórnarframkvæmdum þess. Ráðuneytisstjóri stýrir ráðuneytinu undir yfirstjórn ráðherra. Skipulag heilbrigðisráðuneytisins byggist á tveimur fagskrifstofum og tveimur stoðskrifstofum sem starfa þvert á ráðuneytið. Fagskrifstofurnar eru skrifstofa heilbrigðisþjónustu og skrifstofa lýðheilsu og vísinda. Stoðskrifstofurnar eru skrifstofa stjórnsýslu og skrifstofa fjármála.

About

Starf í þjónustuveri Stafrænnar heilsu

Stafræn heilsa leitar að lausnamiðuðum og jákvæðum einstaklingi með ríka þjónustulund til starfa í þjónustuveri. Þjónustuverið sinnir allri framlínu- og notendaþjónustu á sviði upplýsingatækni Stafrænnar heilsu, ásamt daglegum rekstri og vöktun tæknilegra innviða.

Hjá Stafrænni heilsu starfar fjölbreyttur hópur sérfræðinga á sviði upplýsinga- og heilbrigðistækni að margvíslegum og spennandi verkefnum. Markmið Stafrænnar heilsu er að leiða þróun og þjónustu stafrænnar heilbrigðisþjónustu á landsvísu og að veita framúrskarandi þjónustu við heilbrigðisstofnanir. Stafræn heilsa er skrifstofa í heilbrigðisráðuneytinu og heyrir undir stjórn þess.

Helstu verkefni og ábyrgð

· Tækni- og notendaþjónusta í síma og á vettvangi

· Greining, skráning og úrlausn erinda í beiðnakerfum

· Aðstoð við notendur vegna aðganga, kerfa og tæknibúnaðar

· Eftirfylgni með erindum og samstarf við önnur teymi við úrlausn flóknari mála

· Þátttaka í daglegum rekstri og vöktun tæknilegra innviða

· Þátttaka í umbótastarfi þjónustuversins

Menntunar- og hæfniskröfur

· Haldgóð þekking og reynsla af upplýsingatækni

· Þekking á Microsoft 365 umhverfi

· Menntun sem nýtist í starfi er kostur

· Reynsla af sambærilegum störfum er kostur

· Gott vald á íslensku og ensku

· Þjónustulund og færni í mannlegum samskiptum

· Greiningarhæfni, sjálfstæði og lausnarmiðuð viðhorf

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða áhugavert og fjölbreytt starf í krefjandi starfsumhverfi þar sem reynir á öguð vinnubrögð, ábyrgð og sjálfstæði.

Áhugasamir einstaklingar eru hvattir til að sækja um starfið óháð kyni. Með umsókn skal fylgja náms- og starfsferilskrá, afrit af prófskírteinum og kynningarbréf þar sem gerð er grein fyrir ástæðum umsóknar og hvernig umsækjandi uppfyllir hæfniskröfur.

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 1000/2019 um auglýsingar á lausum störfum með síðari breytingum. Sótt er um starfið á https://island.is/starfatorg

Ráðið verður í starfið frá 1. október 2026 en æskilegt er að viðkomandi getið hafið störf sem fyrst.

Starfshlutfall er 100% í dagvinnu.

Umsóknarfrestur er til og með 28. september 2026.

Nánari upplýsingar veita Rúna Loftsdóttir, yfirmaður Þjónustuvers Stafrænnar heilsu – [email protected]

Advertisement published10. September 2026

Application deadline28. September 2026

Language skills