Sölu- og þjónustufulltrúi - Þjónustuver

Ert þú með framúrskarandi þjónustulund, finnst gaman að takast á við krefjandi verkefni og langar að vinna á lifandi vinnustað með skemmtilegu fólki? Þá gætum við í þjónustuveri Vodafone og Stöðvar 2 verið að leita að þér! Í starfinu felst hverskonar aðstoð við viðskiptavini okkar á sviði reikninga og tækni en einnig sala og ráðgjöf.

Vinnutími er alla virka daga frá 9-17, með möguleika á aukavöktum. Um er að ræða fullt starf til framtíðar.

Hæfniskröfur:

• Framúrskarandi þjónustulund
• Jákvæðni
• Frumkvæði
• Sjálfstæði í vinnubrögðum og vandvirkni
• Metnaður til að ná árangri
• Stundvísi
• Áhugi á tækni
• Íslensku kunnátta

Hvað höfum við að bjóða þér?

• Frábæra vinnufélaga
• Framúrskarandi vinnuaðstöðu
• Spennandi verkefni
• Sveigjanlegt og fjölskylduvænt vinnuumhverfi
• Möguleika á starfsþróun
• Mötuneyti á heimsmælikvarða
• Internet- og farsímaáskrift auk sérkjara af sjónvarpsþjónustu
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Við hvetjum áhugasöm af öllum kynjum til að sækja um í gegnum ráðningavefinn okkar. Umsóknarfrestur er til og með 15.júní 2025 nk.

Fyrir nánari upplýsingar má senda póst á [email protected]

Hver erum við?

Sýn er leiðandi fyrirtæki á sviði fjarskipta og fjölmiðlunar á Íslandi. Undir Sýn heyra vörumerkin Vodafone, Stöð 2, Vísir, Bylgjan, FM957, X-977, Stöð 2 Sport og Já.is. Hjá okkur starfar samheldinn hópur fólks sem leitast stöðugt við að veita viðskiptavinum okkar framúrskarandi þjónustu.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.