Skrifstofu og Mannauðsstjóri

Stormsverk ehf. er öflugt og ört vaxandi byggingarfyrirtæki sem þjónustar bæði stærri verktaka og einstaklinga við fjölbreyttar byggingarframkvæmdir. Við leggjum áherslu á fagmennsku, góða þjónustu og sterka liðsheild – og viljum skapa vinnuumhverfi sem er faglegt, skýrt og skemmtilegt fyrir alla okkar starfsmenn.

Við leitum nú að skipulögðum, lausnamiðuðum og traustum einstaklingi í fullt starf sem skrifstofu- og mannauðsstjóri hjá Stormsverk. Starfið heyrir beint undir framkvæmdastjóra og styður við verkefnastjóra fyrirtækisins í daglegu starfi.

Af hverju Stormsverk?

Stormsverk er fólksfyrirtæki.
Hjá okkur er hraði, húmor og heiðarleiki í fyrirrúmi – bæði í samskiptum og vinnubrögðum. Við erum lítið, samheldið og metnaðarfullt teymi sem vinnur náið saman, styður hvort annað og hvetur til frumkvæðis og nýrra hugmynda. Við trúum því að vinnustaður eigi að vera staður þar sem fólk hlakkar til að mæta, getur vaxið í starfi og líður vel í góðum félagsskap.

Stormsverk er vinnustaður þar sem:

• þú hefur raunveruleg áhrif ✔️

• gott grín og jákvætt viðhorf eru hluti af vinnudeginum ✔️

• þín rödd skiptir máli ✔️

Um starfið

Starfið er nýtt hjá Stormsverk og því leitum við að einstaklingi sem hefur áhuga á að móta hlutverkið frá grunni með okkur. Við viljum fá inn jákvæðan, skipulagðan og ábyrgðarfullan einstakling sem getur sett upp ferla, haldið utan um mannauðsmál og tekið virkan þátt í því að efla bæði skrifstofuna og fyrirtækið í heild.

Þetta er kjörið tækifæri fyrir mann sem/hver:

• vill bæði byggja upp og stjórna ferlum,

• hefur gaman af samskiptum og mannauðsmálum,

• nýtur sín í skipulagi, skráningu og daglegum rekstri,

• vill taka þátt í metnaðarfullri uppbyggingu fyrirtækis sem er á hraðri leið upp á við.