Sérkennslustjóri / aðstoðarleikskólastjóri

Viltu vera með í að móta framtíðina í Mánalandi?

Leikskólinn Mánaland leitar að metnaðarfullum og drífandi aðila í starf sérkennslustjóra/aðstoðarleikskólastjóra til að bætast í okkar öfluga hóp.

Ef þú hefur brennandi áhuga á leikskólastarfi, vilt hafa raunveruleg áhrif og starfa í alþjóðlegu og lifandi samfélagi, þá er Mánaland staðurinn fyrir þig.

Helstu verkefni og ábyrgð

Stjórn og ábyrgð á skipulagningu, framkvæmd og endurmati sérkennslu, ásamt leikskólastjóra
Umsjón sérkennslu, frumgreiningar og ráðgjöf til annarra starfsmanna
Náið samstarf, fundir og viðtöl með deildastjórum, foreldrum/forráðamönnum
þátttaka í í verkefnum er snúa að mati og þróun
Tengiliður farsældar samkvæmt farsældarlögum
Samstarf við leikskólastjóra um daglega stjórnun og skipulagningu starfsins í takt við aðalnámskrá leikskóla og stefnu skólans
Aðstoðaleikskólastjóri er staðgengill leikskólastjóra í fjarveru hans
Þátttaka í innra starfi og starfsmannafundum
Að efla og viðhalda fagþekkingu sinni með reglubundinni endur- og símenntun.
Ýmis önnur verkefni er varða uppeldi og menntun leikskólabarna í samráði við yfirmenn

Menntunar- og hæfniskröfur

Leikskólakennaranám og leyfisbréf til kennslu
Menntun í sérkennslufræðum og/eða reynsla af sérkennslu
Farsæl reynsla af starfi og/eða stjórnun á leikskóla kostur
Jákvæðni, sjálfstæði og sveigjanleiki
Opið hugarfar í tengslum við þróun skólastarf og breytingar
Áhugi á að vinna skemmtilegt starf með börnum
Rík færni til samstarfs og samskipta
Gott vald á íslensku, bæði í töluðu og rituðu máli
Almenn góð tölvukunnátta
Hreint sakavottorð skv. lögum um leikskóla

Leikskólakennarar starfa samkvæmt lögum og reglugerð um leikskóla, öðrum lögum er við eiga, aðalnámskrá leikskóla, skólastefnu sveitarfélagsins sem og öðrum stefnum sveitarfélagsins sem í gildi eru á hverjum tíma og við eiga.

Af hverju Mánaland?

Við fluttum í glænýtt og glæsilegt húsnæði í ágúst 2024 sem býður upp á framúrskarandi starfsaðstæður og skapandi umhverfi fyrir börn og starfsfólk.
Við erum á vegferð þar sem við byggjum upp öflugt fagstarf frá grunni.
Faglegur metnaður: Við vinnum samkvæmt hugmyndafræði Reggio Emilia og erum að innleiða Jákvæðan aga. Skólanámskráin okkar er nýendurskoðuð og við leggjum mikla áherslu á sköpun og lýðræði í starfi.
Málörvun í forgrunni: Við fengum nýlega styrk til að innleiða verkefnið „Ævintýri í hverju spori, málörvun frá morgni til kvölds, sem byggir á Orð eru ævintýri á næsta skólaári – spennandi tækifæri til að dýpka þekkingu á málþroska barna.
Alþjóðlegt umhverfi: Hjá okkur er mikil og auðgandi fjölmenning. Við lítum á fjölbreytileikann sem styrkleika og viljum þróa starfshætti okkar enn frekar á því sviði.
Gott skipulag: Viðvera barna er 36 stundir á viku, sem gefur rými fyrir vandað skipulag og faglegt starf.
Frábær frí og endurmenntun: Stytting vinnuvikunnar: Við nýtum styttinguna okkar á snjallan hátt! Hún er tekin út í samfelldum dögum í jóla- og páskafríum, auk nokkurra auka daga yfir árið. Þetta tryggir starfsfólki góða hvíld.
Námsferð til Glasgow: Í apríl 2027 stefnum við öll á hvetjandi endurmenntunarferð til Glasgow þar sem við munum kynna okkur nýjungar í leikskólastarfi og þjappa hópnum saman.

Umsóknarfrestur er til og með 13. maí 2026

Með umsókn skal fylgja ítarleg ferilskrá á íslensku og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Sótt er um starfið á www.mognum.is

Nánari upplýsingar veita

Sigríður Ólafsdóttir; [email protected]

Telma Eiðsdóttir; [email protected]

Advertisement published29. April 2026

Application deadline13. May 2026

Language skills