Sérkennari óskast

Viltu taka þátt í framsæknu skólastarfi þar sem velferð og vellíðan nemenda og starfsfólks er í forgrunni?

Við leitum að jákvæðum og metnaðarfullum kennara til að ganga til liðs við samhentan og kraftmikinn starfsmannahóp sem vinnur saman að því að mæta fjölbreyttum þörfum nemenda á uppbyggilegan og faglegan hátt.

Umgjörð skólans er heildstætt skólastarf í leik- og grunnskóla. Í skólanum eru rúmlega 530 nemendur í 1. - 10. bekk og í 4 leikskóladeildum.

Um 100% starf er að ræða. Ráðið verður í stöðuna frá 1. ágúst 2025.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.