Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

About

Sérfræðingur í umsjónardeild á Suðursvæði

Vegagerðin auglýsir eftir öflugum einstaklingi til að sinna fjölbreyttum verkefnum á umsjónardeild Suðursvæðis, kostur ef viðkomandi hefur þekkingu og áhuga á malbiki og klæðingum. Suðursvæði Vegagerðarinnar nær frá Gígjukvísl á Skeiðarársandi að botni Hvalfjarðar og upp á miðhálendi. Svæðismiðstöð Suðursvæðis er á Selfossi en sérfræðingur getur einnig haft starfsstöð í Garðabæ.

Umsjónardeild hefur umsjón og eftirlit með framkvæmdum á Suðursvæði. Í samráði við mannvirkjasvið sinnir umsjónardeild nýbyggingum og viðhaldi bundinna slitlaga, styrkingum og endurbótum vega, ásamt efnisvinnslu.

Helstu verkefni og ábyrgð

Vinna við áætlanir og undirbúning framkvæmda í malbiki og klæðingum
Hafa umsjón/eftirlit með framkvæmdum bæði tæknilega og fjárhagslegu uppgjöri
Vinna við undirbúning verka, halda utan um magnuppgjör, áætlanagerð, kostnaðareftirlit, gæðaeftirlit og útboðslýsingar
Sjá um verkfundi og skráningar í gagnabanka að loknum framkvæmdum
Önnur verkefni, sem falla undir starfsvið umsjónardeildar

Menntunar- og hæfniskröfur

Verkfræðingur, tæknifræðingur eða önnur háskólamenntun sem nýtist í starfi
Þekking og reynsla af nýframkvæmdum og viðhaldi vegamannvirkja æskileg
Þekking og áhugi á malbiki og klæðingum
Reynsla af verkefnastjórnun æskileg
Skipulagshæfni, frumkvæði og faglegur metnaður
Hæfni til að vinna sjálfstætt sem og í teymisvinnu
Góð hæfni í mannlegum samskiptum
Góð íslensku- og enskukunnátta
Hæfni til að fylgja málum eftir og til að finna bestu lausnir hverju sinni.
Góð öryggisvitund

Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið

Starfshlutfall er 100%

Umsóknarfrestur er til og með 08.12.2025

Nánari upplýsingar veitir

Aron Bjarnason, deildarstjóri - [email protected] - 860 5611

Advertisement published20. November 2025

Application deadline8. December 2025

Language skills