Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

About

Sérfræðingur í Microsoft 365 skýja- og öryggislausnum

Rekstrarlausnir Advania leitar að hæfileikaríkum og metnaðarfullum leiðandi sérfræðingi í Microsoft 365 skýja- og öryggislausnum til að starfa í sérfræði- og þróunarteymi fyrirtækisins.

Deildin er skipuð fjölbreyttum hópi sérfræðinga með mismunandi tæknilegar áherslur, sem sinna verkefnum tengdum Azure, Microsoft 365 og öryggismálum.

Helstu verkefni og ábyrgð

Lausnamiðuð ráðgjöf og samskipti við viðskiptavini og stjórnendur.
Ráðgjöf eða úrlausn á flóknari vandamálum og stuðningur við aðrar deildir innan Advania.
Framþróun og nýsköpun á lausnum fyrir Advania og viðskiptavini.
Tæknilega krefjandi sérverkefni tengd skýja- og öryggislausnum.

Menntunar- og hæfniskröfur

5+ ára reynsla af starfi í kerfisstjórnun eða tengdu fagi.
Vottuð þekking eða nám tengt starfinu.
Þekking á Microsoft 365, stjórnun og innleiðingu skýjalausna (t.d. Entra ID, Intune, SharePoint, Teams) og tengdum öryggisstillingum (t.d. Conditional Access, Defender for Office, Purview)
Reynsla af hönnun og innleiðingu öryggisstefnu og bestu venja (best practices) í skýjaumhverfum.
Góð enskukunnátta
Auðvelt með að tileinka sér nýja hluti og vinna eftir ferlum
Hæfni til að starfa sjálfstætt og í hóp
Framúrskarandi þjónustulund og færni í mannlegum samskiptum
Gagnrýnin og lausnamiðuð hugsun

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 24. ágúst 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Gunnar Örn Ingólfsson, hópstjóri DevOps, [email protected] / 4409000.

Advertisement published11. August 2026

Application deadline24. August 2026

Language skills