Úrvinnslusjóður

Hráefni og orka til vöruframleiðslu eru oft takmarkaðar auðlindir sem ber að fara eins sparlega með og kostur er. Úrvinnslusjóður er ríkisstofnun sem sinnir umsýslu úrvinnslugjalds sem lagt er á vörur og ráðstöfun þess. Úrvinnslugjaldið er notað til að stuðla að sem mestri endurvinnslu og endurnýtingu úrgangs. Úrvinnslusjóður semur við verktaka um þessa verkþætti á grundvelli verksamninga.

About

Sérfræðingur í gagnavinnslu og sjálfvirknivæðingu

Við leitum að öflugum gagnasérfræðingi með brennandi áhuga á gagnadrifinni ákvarðanatöku, sjálfvirknivæðingu ferla og nýtingu tækni til að auka skilvirkni í rekstri. Starfið felur í sér greiningu og vinnslu gagna, þróun sjálfvirkra lausna, uppsetningu mælaborða og samstarf við stjórnendur og starfsmenn um að umbreyta gögnum í verðmæta innsýn.

Viðkomandi mun gegna lykilhlutverki í að þróa og viðhalda sjálfvirkum ferlum, bæta gæði gagna og styðja við stefnumótun og rekstur stofnunarinnar.

Helstu verkefni og ábyrgð

Kortleggja og greina rekstrarferla með það að markmiði að finna tækifæri til sjálfvirknivæðingar
Hanna, þróa og viðhalda sjálfvirkum verkferlum og samþættingu milli kerfa
Safna, vinna og greina gögn úr ólíkum gagnakerfum
Byggja upp og viðhalda mælaborðum, KPI-mælingum og skýrslum
Tryggja gæði, áreiðanleika og samræmi gagna
Þróa lausnir með Power Platform, SQL, Python eða sambærilegum tækjum
Stuðla að gagnamenningu innan sjóðsins og veita ráðgjöf um nýtingu gagna
Fylgjast með þróun á sviði gagnavinnslu, gervigreindar og sjálfvirknilausna

Menntunar- og hæfniskröfur

Háskólamenntun sem nýtist í starfi, t.d. í tölvunarfræði, verkfræði, gagnavísindum eða sambærilegum greinum
Reynsla af gagnagreiningu og gagnavinnslu
Góð þekking á SQL og reynsla af Power BI eða sambærilegum greiningarverkfærum
Skilningur á gagnagrunnum, gagnalíkönum og kerfatengingum
Reynsla af sjálfvirknivæðingu ferla og notkun lausna á borð við Power Platform eða sambærileg kerfi er kostur
Reynsla af verkefnastjórnun og umbótaverkefnum er kostur
Góð samskipta- og samstarfshæfni
Sterk greiningarhæfni og lausnamiðuð nálgun
Frumkvæði, sjálfstæði og skipulögð vinnubrögð

Fríðindi í starfi

Fjölbreytt og krefjandi starf á vinnustað sem er í mikilli þróun
Tækifæri til að leiða verkefni á sviði gagnamála og sjálfvirknivæðingar
Tækifæri til símenntunar og faglegs vaxtar
Tækifæri til að taka þátt í umbótum og framþróun í starfseminni

Úrvinnslusjóður gegnir mikilvægu og spennandi hlutverki í hringrásarhagkerfinu. Hlutverk Úrvinnslusjóðs er að skapa hagræna hvata sem stuðla að hringrásarhagkerfi með áherslu á verðmætasköpun og umbreytingu úrgangs í hráefni. Úrvinnslusjóður semur um úrvinnslu úrgangs á grundvelli útboða eða verksamninga eftir því sem við á.

Með umsókn skal fylgja ferilskrá ásamt kynningarbréfi þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Nánari upplýsingar

Geirlaug Jóhannsdóttir – [email protected]

Þórdís Sif Arnarsdóttir – [email protected]

Advertisement published4. September 2026

Application deadline18. September 2026

Language skills