Ráðgjafi hjá Suðurhlíð - 50% starf

Vilt þú leggja þitt af mörkum til að styðja þolendur ofbeldis?

Suðurhlíð, miðstöð fyrir þolendur ofbeldis, leitar að ráðgjafa í 50% starf til eins árs með möguleika á framlengingu. Við leitum að einstaklingi sem býr yfir fagmennsku, hlýju og góðri samskiptahæfni og hefur áhuga á að taka þátt í að efla þjónustu við þolendur ofbeldis. Í starfinu felst að veita ráðgjöf, stuðning og fræðslu með virðingu fyrir aðstæðum, þörfum og ákvörðunum hvers einstaklings. Lögð er áhersla á áfallamiðaða nálgun, öryggi og valdeflingu, þar sem unnið er á forsendum þolenda.

Helstu verkefni og ábyrgð

Móttaka og einstaklingsviðtöl við þolendur ofbeldis.
Ráðgjöf, stuðningur og fræðsla um eðli og afleiðingar ofbeldis.
Mat á þörfum í samráði við þjónustuþega og leiðsögn um viðeigandi úrræði.
Samstarf við stofnanir, fagfólk og félagasamtök í þágu þjónustuþega.
Skráning og eftirfylgni mála í samræmi við verklag og trúnað.
Þátttaka í þróun þjónustu, fræðslu og kynningu á starfsemi Suðurhlíðar.

Menntunar- og hæfniskröfur

Háskólamenntun sem nýtist í starfi, svo sem félagsráðgjöf, sálfræði, hjúkrunarfræði eða sambærileg menntun.
Reynsla af ráðgjöf eða stuðningi við fólk í viðkvæmri stöðu.
Þekking á ofbeldi, afleiðingum áfalla og áfallamiðaðri nálgun er æskileg.
Framúrskarandi samskiptahæfni og geta til að mæta fólki af nærgætni og virðingu.
Sjálfstæði, frumkvæði og skipulögð vinnubrögð.
Hæfni til samstarfs við ólíka fagaðila.
Góð íslensku- og enskukunnátta. Önnur tungumálakunnátta er kostur.
Rík ábyrgðarkennd, fagleg dómgreind og virðing fyrir trúnaði.
Hreint sakavottorð.

Upplýsingar um starfið

Starfshlutfall: 50%
Starfsstöð: Suðurhlíð, Aðalgata 60
Ráðning : Frá og með 1. janúar 2027.
Umsóknarfrestur: Til og með 26. október 2026

Umsókn skal fylgja ferilskrá og kynningarbréf þar sem gerð er grein fyrir áhuga á starfinu og hvernig menntun og reynsla umsækjanda nýtist í því.

Nánari upplýsingar veitir Inga Dóra í [email protected]

Um Suðurhlíð

Suðurhlíð er miðstöð fyrir þolendur ofbeldis. Markmið starfseminnar er að veita stuðning, ráðgjöf og upplýsingar og auðvelda þolendum að sækja sér aðstoð. Virðing, öryggi og fagmennska eru höfð að leiðarljósi.

Advertisement published12. October 2026

Application deadline26. October 2026

Language skills