Öryggisstjóri

Við leitum að pottþéttum öryggisstjóra til að hafa umsjón með öryggismálum félagsins og sinna fjölbreyttum og krefjandi verkefnum sem þeim tengjast.

Starfsstöðin er í höfuðstöðvum First Water í Kópavogi en felur einnig í sér vinnu á vettvangi uppbyggingar í Þorlákshöfn.

Helstu verkefni

• Umsjón og eftirlit með öryggismálum félagsins
• Áhættumat og innri úttektir á starfsstöðvum félagsins
• Öryggisnámskeið og fræðsla fyrir starfsfólk í samráði við fræðslustjóra
• Eftirlit með öryggiskerfi og öryggisbúnaði, aðgangsstýringu, brunakerfi, myndavélakerfum og hússtjórnarkerfi.
• Samskipti við lögreglu og aðrar opinberar stofnanir
• Utanumhald, greining og rannsóknir á frávikum og slysum

Menntunar- og hæfniskröfur

• Menntun eða reynsla sem nýtist í starfi
• Þekking eða reynsla af sambærilegum verkefnum er kostur
• Gott vald á ritaðri og talaðri íslensku og ensku
• Frumkvæði, öguð vinnubrögð og greiningarhæfni
• Góðir samskiptahæfileikar og þjónustulund
• Góð almenn tölvukunnátta

Nánari upplýsingar veitir Valgerður María Friðriksdóttir, mannauðsstjóri, [email protected]

Umsóknafrestur er til og með 4. maí

First Water er framsækið íslenskt nýsköpunarfyrirtæki sem vinnur að uppbyggingu laxeldis á landi, og nýtir til þess náttúruauðlindir Íslands á sjálfbæran hátt. Lykillinn að velgengni félagsins mun liggja í mannauði þess og leggur félagið því ríka áherslu á öflugan hóp reynslumikils og drífandi starfsfólks.