Mannauðssérfræðingur á fjármála- og áhættustýringarsviði

Ertu drífandi og með brennandi áhuga á mannauðsmálum?

Fjármála- og áhættustýringarsvið Reykjavíkurborgar leitar eftir öflugum mannauðssérfræðingi í tímabundið starf til 30. september 2026. Í boði eru spennandi starf og tækifæri til að leggja sitt af mörkum á stærsta vinnustað landsins þar sem fagmennska og aðhald skipta máli. Við bjóðum upp á fjölbreytt og krefjandi verkefni á sviði mannauðs- og fræðslumála. Leitað er að einstaklingum sem búa yfir mikilli samskiptahæfni, sýna frumkvæði og hafa tileinkað sér sjálfstæð vinnubrögð.

Starfið er á skrifstofu sviðsstjóra en skrifstofan leiðir stefnumótandi áherslur sviðsins og verkefni þvert á skrifstofur. Skrifstofan hefur aðsetur að Borgartúni 12-14.