Land og skógur

Land og skógur er þekkingarstofnun sem hefur það meginmarkmið að bæta gróður- og jarðvegsauðlindir þjóðarinnar, nýta land af sjálfbærni, vakta og hafa yfirsýn, draga úr losun og stuðla að bindingu kolefnis og virkja og fræða almenning og hagsmunaaðila um gróður- og jarðvegsvernd, sjálfbæra nýtingu lands, uppbyggingu og endurheimt vistkerfa, skóga og skógrækt.

About

Mannauðs- og launafulltrúi hjá Landi og skógi

Land og skógur óskar eftir að ráða metnaðarfullan, drífandi og útsjónarsaman einstakling í starf mannauðs- og launafulltrúa á svið Mannauðs og miðlunar.

Starfið er án staðsetningar og hægt að sinna því frá öllum starfstöðvum stofnunarinnar. Næsti yfirmaður er sviðstjóri sviðs Mannauðs og miðlunar. Á sviðinu starfar góður hópur sem sér um mannauðsmál, launavinnslu, skjalamál og miðlun upplýsinga ásamt fleiri verkefnum sem tengjast mannauðsmálum og miðlun.

Helstu verkefni og ábyrgð

Almenn launavinnsla í mannauðskerfi Orra og Vinnustund
Upplýsingagjöf og ráðgjöf varðandi laun og kjaratengd mál
Umbætur og eftirlit með ferlum tengdum mannauðsmálum
Aðkoma að fræðslu og styrkjamálum
Aðkoma að ráðningum og móttöku nýs starfsfólks
Önnur tilfallandi verkefni á sviði Mannauðs og miðlunar

Menntunar- og hæfniskröfur

Menntun og reynsla sem nýtist í starfi
Menntun í mannauðsstjórnun er kostur
Þekking á launakerfi Orra og Vinnustund er skilyrði
Þekking og reynsla af launavinnslu er skilyrði
Þekking á túlkun kjara- og stofnanasamninga er kostur
Góð greiningarhæfni og nákvæmni
Reynsla og geta til að vinna í teymi
Góð íslenskufærni, nákvæm og öguð vinnubrögð
Rík þjónustulund, jákvæðni og samskiptahæfni
Frumkvæði og sjálfstæði

Land og skógur er þekkingarstofnun á sviði gróður- og jarðvegsauðlinda og gegnir mikilvægu rannsókna-, eftirlits- og fræðsluhlutverki við að vernda, endurheimta og bæta þessar auðlindir Íslands með uppgræðslu lands, ræktun nýrra skóga og með því að stuðla að sjálfbærri landnýtingu.

Markmið Lands og skógar er að vera eftirsóttur vinnustaður fyrir starfsfólk með fjölbreytta menntun og bakgrunn. Þar er starfsfólki búin góð vinnuaðstaða, greiður aðgangur að upplýsingum og fjölbreyttir möguleikar á símenntun. Land og skógur hefur innleitt græn skref í ríkisrekstri. Þá hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Með umsókn skal fylgja afrit af prófskírteinum og náms- og starfsferilsskrá ásamt kynningarbréfi á íslensku. Öllum umsóknum verður svarað þegar tekin hefur verið ákvörðun um ráðningu. Ákvörðun um ráðningu byggist á innsendum gögnum ásamt frammistöðu í viðtölum. Starfið hentar öllum kynjum og horft verður til jafnréttisáætlunar við ráðningu.

Auglýsingin getur gilt í sex mánuði frá birtingu.

Advertisement published25. March 2026

Application deadline13. April 2026

Language skills