Grindavíkurbær

Í Grindavík er samhent og metnaðarfullt samfélag þar sem nálægð og samvinna einkenna daglegt líf. Á sama tíma stendur yfir uppbygging sem felur í sér einstakt tækifæri til að hafa áhrif og taka þátt í mótun framtíðar samfélagsins. Hjá Grindavíkurbæ starfar öflugur hópur fólks þar sem fagmennska, samvinna og lausnamiðuð hugsun eru í forgrunni. Lögð er rík áhersla á að veita framúrskarandi þjónustu og skapa umhverfi þar sem starfsfólk fær tækifæri til að vaxa og hafa raunveruleg áhrif.

About

Leikskólakennarar óskast til starfa við nýjan samrekinn leik- og grunnskóla

Nýr samrekinn leik- og grunnskóli í Grindavík leitar að leikskólakennurum fyrir skólaárið 2026-2027. Um er að ræða 80% -100% stöður.

Markmiðið er að skapa styðjandi og framsækið námsumhverfi þar sem öryggi, farsæld, nám og þroski barna eru í forgrunni og samfella í námi og þjónustu við börn og fjölskyldur er tryggð.

Skólinn tekur til starfa 1. ágúst 2026 og gert verður ráð fyrir börnum og nemendum frá 12 mánaða aldri til 10. bekkjar. Ef þú vilt taka þátt í því spennandi verkefni að endurbyggja metnaðarfullt skólastarf í Grindavík, þá erum við að leita að þér.

Helstu verkefni og ábyrgð

Vinna að uppeldi og menntun barna samkvæmt starfslýsingu leikskólakennara eða leiðbeinenda í leikskóla
Fylgjast vel með velferð barnanna og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar
Taka þátt í skipulagningu faglegs starfs leikskólans í samstarfi við stjórnendur
Vinna í nánu samstarfi við foreldra/forráðamenn barna
Vinna að þróun skólastarfs í samráði við stjórnendur og samstarfsfólk
Taka þátt í teymisvinnu innan skólans
Sinna öðrum þeim verkefnum er varðar uppeldi og menntun barna sem yfirmaður felur honum

Menntunar- og hæfniskröfur

Leyfisbréf sem kennari. Ef ekki fæst kennari verður ráðinn starfsmaður með aðra uppeldismenntun eða leiðbeinandi tímabundið
Leikskólakennaramenntun eða önnur uppeldismenntun sem nýtist í starfi
Einlægur áhugi og metnaður fyrir að starfa með börnum
Sveigjanleiki og framúrskarandi hæfni í samskiptum
Jákvæðni og áhugi á að starfa í skapandi og metnaðarfullu umhverfi
Þekking og hæfileikar til að vinna að framsæknu skólastarfi
Faglegur metnaður, frumkvæði og sjálfstæði í vinnubrögðum
Stundvísi og samviskusemi
Góð íslenskukunnátta

Launakjör eru samkvæmt gildandi samningum Sambands íslenskra sveitarfélaga og viðkomandi stéttarfélags.

Öllum umsóknum skal fylgja greinargóð ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Tekið er á móti umsóknum í gegnum ráðningarvef sveitarfélagsins.

Nánari upplýsingar veitir Guðlaug Erlendsdóttir, skólastjóri á netfanginu [email protected] og í síma 845-5121.

Þau sem ráðin eru til starfa nýjum samreknum leik- og grunnskóla þurfa að veita heimild til að leitað sé upplýsinga úr sakaskrá hjá Ríkissaksóknara.

Við hvetjum öll áhugasöm til að sækja um, sérstaklega þau sem hafa áhuga á að taka þátt í áframhaldandi uppbyggingu samfélagsins í Grindavík.

Advertisement published15. May 2026

Application deadline31. May 2026

Language skills