Leikskólinn Höfðaberg

Höfðaberg er útibú frá Lágafellsskóla sem hóf störf skólaárið 2014-15 og er staðsett við Æðarhöfða. Þá voru nemendur við Höfðaberg 124 talsins í þremur fimm ára deildum og fjórum 1. bekkjum. Skólaárið 2021-22 eru nemendur á Höfðabergi 140 talsins í fimm þriggja-fjögurra ára deildum (Lóu-, Spóa-, Kríu-, Uglu- og Lundabergi) og tveimur fimm ára deildum (Blika- og Þrastarbergi). Öll grunnskólabörn eru í vetur komin í aðalbyggingu skólans.

About

Höfðaberg óskar eftir leikskólakennurum fyrir næsta skólaár

Leikskólinn Höfðaberg leitar að leikskólakennurum og/eða starfsfólki með aðra menntun og reynslu sem nýtist í starfi.

Gert er ráð fyrir að viðkomandi hefji störf ekki síðar en 1.september.

Má bjóða þér að taka þátt í metnaðarfullu skólastarfi?
Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í skemmtilegum verkefnum?

Í Höfðabergi eru 162 börn á aldrinum 3-6 ára.

Starfshlutfall er 100% og um framtíðarstarf er að ræða.

Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Helstu verkefni og ábyrgð

Vinnur að uppeldi og menntun barna.
Tekur þátt í skipulagningu faglegs starfs deildarinnar.
Önnur verkefni samkvæmt starfslýsingu og sem deildarstjóri felur starfsmanni.

Menntunar- og hæfniskröfur

Leyfisbréf kennara með áherslu á leikskólastarf eða aðra sambærilega menntun.
Virðing í starfi.
Fagleg framkoma.
Góð íslenskukunnátta er skilyrði.
Frumkvæði og metnaður í starfi.
Jákvæðni og góð hæfni í mannlegum samskiptum.
Reynsla í starfi með leikskólabörnum.
Áhugi á að vinna með börnum.

Fríðindi í starfi

Samgöngustyrkur
Líkamsræktarstyrkur
Sundkort í sundlaugar Mosfellsbæjar
Frítt fæði
Starfsmannaafsláttur af leikskólagjöldum
Styttri vinnuvika. 36 stunda vinnuviku er náð með 38 stunda vinnuframlagi vikulega. Starfsfólk safnar tveimur stundum vikulega sem nýttir eru sem frí á skráningardögum leikskóla Mosfellsbæjar

Umsóknarfrestur er til og með 13. ágúst 2026.

Umsókn þarf að fylgja starfsferilsskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi. Auk þess skulu prófskírteini fylgja með umsókninni.

Launakjör taka mið af kjarasamningi Sambands íslenskra sveitarfélaga og viðkomandi stéttarfélags.

Frekari upplýsingar um starfið veitir Tinna Rún Eiríksdóttir leikskólastjóri í gegnum netfangið [email protected]

Advertisement published19. June 2026

Application deadlineNo deadline

Language skills