Hjúkrunarfræðingur í skaðaminnkandi verkefni Rauða krossins

Hjúkrunarfræðingur í skaðaminnkandi verkefni – Ylja og Frú Ragnheiður - 80 % - 100 % starf

Viltu vinna mikilvægt og gefandi starf sem hefur bein áhrif á líf fólks í viðkvæmri stöðu?
Rauði krossinn á höfuðborgarsvæðinu leitar að hjúkrunarfræðingi í hluta eða fullt starf í nýtt skaðaminnkunarverkefni félagsins, neyslurýmið Ylju sem og Frú Ragnheiði.

Þetta er einstakt tækifæri fyrir hjúkrunarfræðing sem hefur áhuga á skaðaminnkun, mannréttindum og notendamiðaðri heilbrigðisþjónustu.

Hvað er Ylja?

✔️ Ylja er fyrsta neyslurýmið á Íslandi – skaðaminnkandi úrræði fyrir einstaklinga sem nota vímuefni í æð.
✔️ Markmið verkefnisins er að auka lífsgæði og bæta heilsufar þeirra sem nota reglubundið vímuefni í æð.
✔️ Neyslurými eru lagalega vernduð umhverfi þar sem notendur 18 ára og eldri geta neytt ávana- og fíkniefna undir eftirliti sérhæfðs starfsfólks, með fyllstu hreinlætis-, öryggis- og sýkingavörnum.
✔️ Þessi úrræði eru starfrækt víða um heim og hafa sýnt fram á mikinn samfélagslegan ávinning bæði fyrir einstaklingana sjálfa og samfélagið í heild.

Helstu verkefni og ábyrgð

• Veita heilbrigðisþjónustu í neyslurými Ylju með áherslu á skaðaminnkun og heilsuvernd
• Standa vaktina í neyslurými ásamt starfsfólki
• Þróa og innleiða verklagsreglur um heilbrigðisverklag fyrir neyslurými í samstarfi við hjúkrunarfræðing skaðaminnkunarteymisins
• Veita fræðslu, stuðning og ráðgjöf til einstaklinga í jaðarstöðu
• Önnur tilfallandi verkefni tengd skaðaminnkun

Hvað er Frú Ragnheiður?

Frú Ragnheiður er færanlegt skaðaminnkunarúrræði sem hefur það að markmiði að koma í veg fyrir ótímabær dauðsföll og óafturkræfan skaða sem og að auka lífsgæði og bæta heilsufar einstaklinga sem nota vímuefni í æð. Þjónustan er lágþröskulda og veitt í nærumhverfi einstaklinga með sérútbúnum bíl, þar sem boðið er upp á lágþröskulda heilbrigðisþjónustu, skaðaminnkandi þjónustu og sálfélagslegan stuðning.

Helstu verkefni og ábyrgð:

• Stuðningur og eftirfylgd með sjálfboðaliðum og skipulag vakta fyrir sjálfboðaliða í Frú Ragnheiði
• Umsjón með daglegri starfsemi Frú Ragnheiðar
• Samskipti og sálfélagslegur stuðningur við þjónustuþega
• Fræðsla, kynning og þjálfun nýrra sjálfboðaliða
• Skráning og greining gagna fyrir mælikvarða og skýrslugerð
• Beita hugmyndafræði skaðaminnkunar í allri vinnu og þjónustu við þjónustuþega
• Önnur tilfallandi verkefni

Hæfniskröfur og eiginleikar sem við leitum að

• Hjúkrunarfræði
• Góð þekking á hugmyndafræði skaðaminnkunar er skilyrði
• Góð samskiptahæfni og reynsla í vettvangsstarfi er kostur
• Þekking á málefnum og starfi Rauða krossins er kostur
• Hæfni til að vinna í notendamiðaðri heilbrigðisþjónustu
• Mjög góð íslensku- og enskukunnátta, önnur tungumál eru kostur

Hvað býður Rauði krossinn upp á?

🚴 Samgöngustyrkur – Stuðningur við vistvænar samgöngur
🏋️ Líkamsræktarstyrkur – Heilsueflandi stuðningur

📅 Umsóknarfrestur: Umsóknir eru yfirfarnar jafnóðum – viðkomandi þarf að hefja störf sem fyrst

Við hvetjum fólk af öllum kynjum til að sækja um.
Aðeins er tekið á móti umsóknum í gegnum Alfreð – við förum yfir umsóknir jafnóðum og þær berast.

📩 Nánari upplýsingar:
Ósk Sigurðardóttir, deildarstjóri
✉️ [email protected]