Hjúkrunarfræðingur í krabbameinsþjónustu

Hjúkrunarfræðingur óskast til spennandi starfa í krabbameinsþjónustu Landspítala. Um er að ræða dagvinnu, með breytilegum vinnutíma í 80-100% starfshlutfalli, við hjúkrun sjúklinga í krabbameinsmeðferð/ þjónustu.

Samkvæmt spám mun sjúklingum fjölga mikið á næstu árum. Þetta kallar á nýja hugsun og nýjar lausnir í heilbrigðisþjónustu fyrir þennan sívaxandi hóp. Mikilvægt er að veita góða þjónustu og nýta starfskrafta hverrar fagstéttar vel og munu hjúkrunarfræðingar gegna stóru hlutverki í þessari þróun og ekki síður í veitingu þjónustunnar.

Við veitum fjölbreytta þjónustu við sjúklinga með krabbamein, bæði í lyfja- og geislameðferð og vinnum í virku teymi með öðrum fagstéttum. Margvísleg uppbygging og þróun hjúkrunar er fyrir þennan sístækkandi sjúklingahóp með gott flæði og samfellda þjónustu milli eininga með sjúklinginn í öndvegi. Við stundum einstaklingsmiðaða hjúkrun, með þátttöku fjölskyldunnar að leiðarljósi og styðjum vel við eflingu sérþekkingar í starfi.

Í boði er starf á:

• Geislameðferðardeild 10K

• Dag- og göngudeild 11B

• Blandað starf á dag- og göngudeild 11B, lyfjameðferð og geislameðferð 10K

Við bjóðum upp á einstaklingshæfða aðlögun með reyndum hjúkrunarfræðingum. Að auki er á krabbameinsþjónustunni reglulega boðið upp á fræðslu fyrir starfsfólk. Á deildinni eru góðir möguleikar á fjölbreyttri starfsþróun og þátttöku í þróunarverkefnum í hjúkrun sjúklinga með krabbamein.

Upphaf starfa er 1. júní 2026 eða skv. samkomulagi. Næsti yfirmaður er deildarstjóri dag- og göngudeildar blóð- og krabbameinslækninga. Áhugasamir eru hvattir til að hafa samband við Þórunni, deildarstjóra.

Við búum yfir öflugum og skemmtilegum hópi starfsfólks. Öflugt félagslíf er innan krabbameinsþjónustunnar og leggjum við mikla áherslu á samheldni og góðan starfsanda.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.